Prezident baspasóz qyzmetiniń habaryna qaraǵanda, Shavkat Mirziiaev avtokólik jasaityn sala basshylaryna avtomobil baǵasyn 5 paiyzǵa arzandatyp, import almastyrýdy 100 million dollarǵa jetkizýdi, avtomobil óndirisin lokalizatsiialaýdy 48%-dan 56%-ǵa kóterýdi mindettegen.
Sonymen qatar 336 million dolllar investitsiialyq jobany igerip, Tracker jáne Onix avtomobil óndirisin iske qosýdy, jańa dvigatel óndirisin jolǵa qoiýdy tapsyrǵan.
Prezident baspasóz qyzmetiniń habaryna qaraǵanda, úkimetke biyl 1 mamyrǵa deiin avtokólik kezegin tolyǵymen joiyp, UzAuto Motors kólikterine aldyn ala tólenetin qarjyny 85%-dan 50%-ǵa túsirý máselesi júktelgen.
Biyl qańtar qyrǵynynan keiin Qazaqstan prezidenti Qasym-Jomart Toqaev shetelden keletin kólikterdiń jáne ózge de tehnika men zattardyń ýtilizatsiia alymyn jinaityn "Operator ROP" kompaniiasynyń jumysyn toqtatýdy buiyrǵan edi.
Bul kompaniianyń burynǵy prezident Nursultan Nazarbaevtyń qyzy Áliia Nazarbaevaǵa qatysy bary aitylady. Buǵan deiin bilik ýtilizatsiia alymyn jinaityn "Operator ROP" kompaniiasyna keiingi bes jylda 691,9 mlrd teńge qarajat túskenin aitqan.
Shetelden ákeletin kólikterge keden alymyn azaitý, ýtilizatsiia alymyn alyp tastaý jóninde Qazaqstanda birneshe jyldan beri túrli talap aitylǵan.
