Ministrlik WhatsApp pen Telegram-ǵa tyiym salynady degen aqparatqa jaýap berdi, dep habarlaidy Dalanews.kz.
"BAQ-ta taralyp jatqan WhatsApp, Telegram jáne basqa da sheteldik messendjerlerdi qoldanýǵa tyiym salynady degen aqparat shyndyqqa janaspaidy. Tsifrlyq damý ministrligi jeke maqsatta sheteldik servisterdi qoldanýǵa esh tyiym salynbaitynyn habarlaidy", - dep jazylǵan habarlamada.
Vedomstvo málimetinshe, Aitu messendjerin engizý bastamasy ortalyq jáne jergilikti memlekettik organdarǵa, sondai-aq, kvazimemlekettik sektor uiymdaryna qyzmettik kommýnikatsiia úshin ǵana usynylady. Ol memlekettik qyzmetkerler tek jumys barysynda paidalanatyn aqparatpen qaýipsiz almasýdy qamtamasyz etý maqsatynda qoldanylady.
"Aitu qyzmettik hat almasýdyń, jumys chattarynyń, jedel habarlamalardyń jáne memlekettik tsifrlyq platformalarmen ózara árekettesýdiń negizgi quralyna ainalady. Onyń basty artyqshylyǵy barlyq server Qazaqstan aýmaǵynda ornalasqan", - dep jazylǵan habarlamada.
