QR Ádilet ministrligi elde alaiaqtyq is-árekettiń jańa túri paida bolǵanyn málimdei otyryp, qazaqstandyqtarǵa úndeý jasady, dep habarlaidy Dalanews.kz.
Ózderin ádilet organdarynyń qyzmetkerleri nemese sot oryndaýshylary retinde tanystyryp júrgen alaiaqtar azamattarǵa habarlasyp, atqarýshylyq qujattardyń talaptaryn oryndaýdy, bank shottaryn buǵattaý, júrgizýshi kýáligin toqtata turý jáne t. b. túrli joldarmen qorqyta otyryp, bereshek óteýdi talap ete bastady - deidi Ádilet ministrliginiń ókilderi.
Mundai qońyraýlar kelip túsken jaǵdaida atqarýshylyq is júrgizýdiń memlekettik avtomattandyrylǵan aqparattyq júiesinde (https://aisoip.adilet.gov.kz/) nemese AIS OIP mobildi qosymshasy arqyly atqarýshylyq is júrgizýdiń bar nemese joq ekenine kóz jetkizý eskertiledi.
Alaiaqtardyń zańsyz áreketteriniń aldyn alý úshin ministrlik tek resmi derek kózderinen alynǵan málimetterge ǵana senýdi jáne derbes derekterdi úshinshi tulǵalarǵa jáne kúmándi internet-resýrstarǵa bermeýińizdi eskertedi - delingen habarlamada.
