Qarjy ministri Mádi Takiev 2024 jylǵy qańtarda 20,9 milliard teńgeni igere almaǵan ministrlikter men óńirlerdi atady, - dep habarlaidy Dalanews.kz.
Onyń aitýynsha, biyl qańtarda memleket biýdjetine shamamen 1 trillion teńge túsken. Sonymen qatar Mádi Mádi Takiev memleket qarjysyn igere almaǵan ministrlikterdi atady.
"Respýblikalyq biýdjet boiynsha 1,5 trillion teńgege shyǵys júrgizildi. Atqarylmaý - 33 milliard teńge, onyń ishinde 13 milliard teńge - únemdeý, al 20 milliard teńge igerilmedi. Eń kóp igerilmeý somasy - mádeniet jáne aqparat, ekologiia jáne tabiǵi resýrstar, ishki ister, qorǵanys ministrlikterinde", - dedi ministr.
Igerilmeýdiń negizgi sebebi - 663 million teńgege memlekettik satyp alý boiynsha ótkizilmegen konkýrstar, konkýrstyq rásimder men sharttar jasasý rásimderin uzaq ýaqyt ótkizý.
Tákiev mundai másele oblystarda da kezdetesinin jetkizdi.
"Jergilikti biýdjetterdiń shyǵysy 422 milliard teńge boldy. 24 milliard teńge atqarylmady. Biyl óńirlerge 1,8 trillion teńgege nysanaly transfertter kózdeldi. Olarǵa 1 aqpanda 6 milliard teńge bólindi. Olardyń 83,5 paiyz igerildi. Atqarylmaǵany - 1 milliard teńge, onyń ishinde 0,1 milliard teńge - únemdeý, al 0,9 milliard teńge igerilmedi. Neǵurlym kóp igerilmeý - Túrkistan, Almaty, Jambyl jáne Atyraý oblystarynda", - dedi Mádi Takiev.
