– Mysaly Reseıde 2019 jyldan bastap erler men áıelderge zeınet jasyn 5 jasqa úlkeıtý sharalaryn qoldana bastady. Ázirbaıjan da 2017 jyldan bastap osy sharalardy qoldanyp jatyr. Álemdik tájirıbeni eskerip ózimizdiń ekonomıkalyq-demografıalyq súıenip, búginde Úkimet tarapynan zeınetaqy jasyn tómendetý máselesi qarastyrylyp jatqan joq, – dedi QR Eńbek jáne halyqty áleýmettik qorǵaý mınıstri Birjan Nurymbetov. Mınıstrdiń aıtýynsha, zeınet jasyn ulǵaıtý álemdik úrdiske aınalǵan. Oǵan Amerıka men Eýropa elderin de mysalǵa keltirdi.
Jalpy zeınet jasyn ósirý, ne qysqartý máselesine kelgende ol uzaqmerzimdi zertteýlerdi negizge ala otyryp jasalynatynyn aıtty.
Bul máselede ekonomıkalyq, demografıalyq derekter eskeriledi. Oǵan qosa, jumys istep júrgen azamattar men zeınet jasyndaǵy kisiler, sondaı-aq halyqtyń qartaıý qarqynyna deıin esepke alynady.
Mysaly, osydan 10 jyl buryn elimizdegi zeınetkerler sany jumys isteıtinderge shaqqanda 20 paıyz bolsa, búginde ol 30 paıyzdan asqan. Aıta keteıik, jaqynda komýnıstik partıa depýtattary zeınet jasyn 60 jasqa deıin tómendetýdi usynǵan edi.
