Sońǵy ýaqyttarda qoǵamda qyzý talqylanyp, ustazdar tarapynan jii synǵa ushyraǵan «Maqsatty mektep» jobasy toqtatyldy, dep habarlaidy Dalanews.kz
Bul týraly Oqý-aǵartý ministri Juldyz Súleimenova óziniń qatysýymen ótken keńeitilgen alqa otyrysynda málimdedi. Jiynda bilim sapasyn arttyrý men mektep júiesindegi ózekti máseleler keńinen sóz boldy.
Ministrdiń aitýynsha, joba muǵalimderge qosymsha júkteme artyp, olardyń negizgi oqý-ádistemelik jumysyna keri áserin tigizgen. Budan bólek, bastamanyń naqty quqyqtyq negizi men resmi qujattary bolmaǵan. Osy sebepti jobany toqtatý týraly sheshim qabyldanǵan.
