Bıyl mektep túlekteri Ǵylym jáne joǵary bilim mınıstrliginiń ústinen 22 aryz túsirgen. Bul týraly mınıstr Saıasat Nurbek málim etti, - dep habarlaıdy Dalanews.kz KTK telearnasyna siltep.
"Qazir Astana ákimshilik sotynda bir ǵana is qaldy, 19 qyrkúıek kúni birinshi otyrysy ótedi. Biraq sol sotqa bergen talapker Narhoz ýnıversıtetiniń grantyn da, memlekettik grantty da alǵan. Sondyqtan sottyń sheshimin kútemiz", - dedi ol.
Mınıstrdiń aıtýynsha, qazirgi tańda sotqa júgingen túlekterdiń barlyǵy grant ıelengen.
Bıyl sý basqan óńirlerge kvota bólingendikten UBT-dan joǵary bal jınasa da, grantqa túse almaı qalǵan túlekter áleýmettik jelide óz narazylyqtaryn bildirdi. Olardyń birqatary Ǵylym jáne joǵary bilim mınıstrligin sotqa bergen bolatyn.
