Jýyrda "Shańyraq" qoǵamdyq birlestiginiń basshysy Almasbek Sadyrbaev asa iri mólsherde alaiaqtyq jasady degen kúdikpen ustaldy. Aýyl sharýashylyǵy ministri Aidarbek Saparov osy jaitqa qatysty pikir bildirdi,- dep habarlaidy Dalanews.kz.
Saparov bul jaǵdaiǵa ministrliktiń eshqandai qatysy joq ekenin jetkizdi.
"Ol "selhoznik" emes. Quqyq qorǵaý organdary ustasa, sol kisilerdiń ózderi biletin shyǵar ne úshin ustap jatqanyn. Men jańa ǵana aittym, taǵy da aitam, sýbsidiia degen – shyǵyndardyń ornyn toltyrý. Sýbsidiiany oblystar beredi. 2020 jyldan bastap oblystarǵa berip qoiǵanbyz. Aýyl sharýashylyǵy ministrliginde tek ereje qabyldanady. Sýbsidiia alatyn adam ótinish bergende jaýapkershiliktiń bárin moinyna alatyndai astyna qolyn qoiady. Sondyqtan ne úshin ustalǵanyn, qalai ekeni jóninde pikir bildire almaimyn. Men ony bilmeimin. Qai oblystan aldy? Jumys júrgizip jatqan qyzmetkerler biletin shyǵar, – dedi ministr Ulysmedia.kz-ke.
Aita keteiik, 6 qarashada Sadyrbaev ózi basqaratyn adamdar toby Balqash, Eńbekshiqazaq, Kegen, Raiymbek jáne Uiǵyr aýdandarynda jalǵan aýyl sharýashylyǵy kooperativterin qurdy degen kúdikke ilingen.
Negizgi maqsat - usaq maldyń analyq basyn uryqtandyrýǵa sýbsidiialardy zańsyz alý jáne jemshóp shyǵyndaryn óteý.
"Bul úshin zańnamaǵa qaishy aýylsharýashylyq jerleri joq sharýa qojalyqtary tartyldy. Budan ári jalǵan kadastrlyq nómirlerdi kórsete otyryp, dáieksiz málimetterdi qamtityn sýbsidiialar alýǵa ótinimder qashyqtan berildi. Bul rette aýyl sharýashylyǵy kooperativteri basshylaryn habardar etpei, olardyń ETsQ-sy paidalanyldy.
Osylaisha 1,2 mlrd teńgeden astam qarajat urlanǵan", - dep habarlady buǵan deiin QMA.
Keiin Almasbek Sadyrbaev ustaldy. Onyń sybailasy tergeý sotynyń sanktsiiasymen úi qamaqqa alyndy.
Al ustalǵanynan eki apta buryn Almasbek Sadyrbaev Arman Abdollaǵa suhbat bergen. Sadyrbaev óz suhbatynda eldegi nan baǵasynyń qymbat ekenin aityp, onyń shyn baǵasy 50 teńge bolýy keregin de aitty.
Sondai-aq, Qazaqstanda qashan asharshylyq bolatynyn da boljaǵan.
”Resei men Ýkraina arasyndaǵy soǵys aiaqtalǵan kezde Qazaqstanda asharshylyq bolady. Sebebi, Resei búkil álemdi azyqtandyrýshy el ǵoi. Ol Belarýspen birge bar qushaǵyn ashyp, saýdasyn dollarmen ótkizedi. Al biz sońǵy qalǵan fermerlerden de aiyrylyp jatyrmyz. Agroónim óndiretin mamandar joq bizde. Osy sebepten de Qazaqstan soǵystan keiin asharshylyqqa ushyraidy”,- dedi ol.
