Ministr «Qazaqstan» shahtasyndaǵy órtke 100 paiyz jumys berýshini kinálady
Saraptama nátijesine súiensek, 28 jaýapty adam zańnamanyń ártúrli talaptaryn buzǵan. Atap aitqanda, shahtanyń injenerlik-tehnikalyq quramy men energetikalyq-mehanikalyq qyzmet tarapynan tiisti óndiristik baqylaý bolmaǵan. Qaýipsizdik tehnikasy men tehnikalyq retteý normalary buzylǵan. Sondai-aq, ministr jumys aimaǵynyń tozańdanýy men aýanyń janý jáne taý-ken ónimderimen gazdanýy jumysshylardyń ólimine ákelgenin aita kele, jumys berýshi qaiǵyly jaǵdaiǵa 100% kináli ekenin málimdedi.
Shahtinsk qalasynyń politsiiasy QR QK 277-babynyń 2-bóligi (taý-ken nemese qurylys jumystaryn júrgizý kezinde qaýipsizdik erejelerin buzý) boiynsha sotqa deiingi tergeý júrgizip jatyr.
Eske sala ketsek, 17 tamyzda «ArselorMittal Temirtaý» kómir departamentine qarasty «Qazaqstan» shahtasynda konveier lentasy órtengen kezde jer astynda barlyǵy 227 jumysshy bolǵan. Saldarynan shahtadan shyǵa almai qalǵan bes kenshi qaza tapty.
