Týrızm jáne sport mınıstri Ermek Marjyqpaev otbasylyq bıznesi bar eken aıtty. Sheneýniktiń sózinshe, munyń joǵary laýazymdy qyzmetine eshqandaı qatysy joq, - dep habarlaıdy Dalanews.kz.
Úkimettegi brıfıńte mınıstr Marjyqpaev onyń otbasy jeke bıznespen aınalysatynyn rastady.
"Ózderińiz jaqsy bilesizder, otbasymyz bıznespen aınalysady. Biraq onyń Týrızm jáne sport mınıstrligine eshqandaı qatysy joq.
Memlekettik qyzmetke kelgenge deıin de, ıaǵnı 2008 jylǵa deıin kásipkerlikpen aınalystyq. Keler jyly bul kásiporynǵa 30 jyl tolady. Bul kásiporyn men memlekettik qyzmetke kelgenge deıin damyǵan bolatyn", - dedi mınıstr.
Brıfıń barysynda jýrnalıser mınıstrdiń áıeli Býrabaıdaǵy qonaqúıler jelisin ıelenetin "Bereke-Býrabaı" JSHS quryltaıshysy ekenin de aıtty.
"Mınıstr men shaǵyn qonaqúıler arasynda qandaı múddeler qaıshylyǵy bolýy múmkin? Muny qalaı túsinýge bolady? Bul suraq únemi qoıylady, biraq Týrızm jáne sport mınıstrligi men sol nysandardy qalaı baılanystyrýǵa bolatynyn túsinbeımin", - dedi ol.
