Maqtaly ólkedegi aýyl sharýashylyǵy salasynyń damý barysymen tanysqan ministr birneshe nysandardy aralap kórdi.
Eń aldymen ministr Dostyq aýyldyq okrýgi, Gúlistan aýylyndaǵy «Darmon» sharýa qojalyǵynyń jumysymen tanysty. Qojalyq basshysy Davron Týimatov biyl 46,38 gektar jerge egin ekken. Onyń 5 gektary dándik júgeri bolsa, qalǵan 41,38 gektary maqtalyq alqap. 15 adamdy jumyspen qamtyp otyrǵan «Davron» sharýa qojalyǵynyń tehnikalyq jaǵdaiy da jaqsy. Atap aitqanda, 2 dana Altai (T-4), 2 dana MTZ, 1 dana maqta terý kombainy, 3 dana tirkemesi bar.
Jalpy Maqtaaral aýdanynda 38 593 gektardan asa jerge maqta shiti sebilgen. Biyl ortasha eseppen gektarynan 21-24 tsentnerden ónim alý kózdelip otyr. Búginde aýdandaǵy maqta qabyldaý beketterine 20 myń tonnadan astam aq altyn kelip túsken bolsa, diqandar terim bitkenshe 80 myń tonna aq ulpa jinap alýdy josparlaýda. Ol úshin 365 terimshiler brigadasy, 100-ge jýyq kombain maqta terý naýqanyna jumyldyrylǵan.
Maqtanyń tezirek ashylýy úshin aýdanda qazirdiń ózinde 33 myń gektardan astam maqtalyq alqapqa defolatsiia sharalary jasalǵan. «Drob pliýs», «Avgýron ekstra», «Kotton», «Reglon-sýper» himikattarynyń maqta japyraǵyn túsirýge tiimdi áser etedi.
Maqtaaral aýdanynda 40 myńǵa jýyq gektar jer PÝID-2 baǵdarlamasyna engen. Jobanyń birinshi etapy boiynsha Eńbekshi jáne Jańajol aýyldyq okrýgine qarasty 8 myń gektar jerde tik drenajdy uńǵymalardy salý, kollektorlyq júieler men kanaldardy retteý jumystary bastalǵaly tur. Ol úshin merdiger anyqtalyp, daiyndyq jumystary jasalǵan. Sondai-aq, jobanyń ekinshi kezeńi Iirjar men Jambyl aýyldyq okrýgteriniń 16 myń gektaryn qamtysa, úshinshi kezeńi boiynsha Atakent kenti, Maqtaaral jáne A.Qalybekov aýyldyq okrýgteriniń 15 myń gektardan astam egistik alqaby jer asty sýlarynan arylyp, tuzdanýdan saqtalmaqshy.
Túrkistan oblysy ákiminiń baspasóz qyzmeti
