Tsifrlyq damý, innovatsiialar jáne aeroǵarysh ónerkásibi ministri Jaslan Mádiev uialy bailanys operatorlarynyń tarifteri qymbattasa da, internet pen mobildi bailanys sapasynyń jaqsarmai turǵanyna qatysty pikir bildirdi, dep habarlaidy Dalanews.kz
Jýrnalister halyq tarapynan bailanys sapasyna qatysty shaǵymdar kóbeigenin atap ótti. Ministrdiń aitýynsha, bul másele qalalardyń qarqyndy túrde keńeiýi jáne jańa qurylys nysandarynyń kóptep boi kóterýimen tikelei bailanysty.
"Qazir qalalar belsendi túrde keńeiip jatyr. Jańa shaǵynaýdandar paida bolýda. Mundai aimaqtarǵa bazalyq stantsiialar ornatylyp, qosymsha antenna-munara qondyrǵylary salynýy tiis. Buǵan belgili bir ýaqyt qajet. Bul – mobildi operatorlardyń jaýapkershiligi. Eger azamattarda naqty shaǵym bolsa, "e-Otinish" júiesine ótinish túsirse bolady. Biz shaǵym boiynsha tekserý júrgizip, operatorlarǵa tiisti tapsyrma beremiz. Eger másele sheshilmese, aiyppul salynady", – dedi Jaslan Mádiev.
Ministrdiń sózinshe, vedomstvo mobildi operatorlardyń jumys sapasyn turaqty túrde baqylap otyrady.
"Ministrliktiń arnaiy radiojiilik qyzmeti bailanys sapasyn ólshep otyrady. Internettiń eń tómengi jyldamdyǵy men bailanys sapasyna qatysty naqty normativter bekitilgen. Osy talapty buzǵandarǵa shara qoldanamyz. Qazirgi kezde operatorlarǵa salynatyn aiyppul kólemin 3-5 esege deiin arttyrýǵa qatysty normativtik-quqyqtyq qujattarǵa ózgeris engizilip jatyr", – dedi ministr.
Aita keteiik, buǵan deiin Qazaqstan azamattary mobildi bailanys operatorlarynan tarif baǵasy kóterilmeitini týraly habarlama ala bastaǵan bolatyn.
