Týrizm jáne sport ministri Erbol Myrzabosynov 11-15 maýsym kúnderi Londonda Halyqaralyq shahmat federatsiiasy (FIDE) aiasynda ótken blits shahmattan komandalyq álem chempionatynda kúmis júldege ie bolǵan Qazaqstan ulttyq quramasynyń múshelerimen kezdesti,- dep habarlaidy Dalanews.kz
Jyldam jáne blits shahmattan uiymdastyrylǵan komandalyq álem chempionatyna álemniń túkpir-túkpirinen 52 komanda qatysty. Qazaqstan quramasy dúbirli dodada úzdik nátije kórsetip, komandalyq esepte kúmis júldeni ielendi. Sonymen qatar jekelei synda 6 júlde, onyń ishinde 2 altyn medal jeńip aldy.
Kezdesý barysynda ministr Qazaqstan komandasynyń jetistigin tarihi oqiǵa dep atap, otandyq shahmat mektebiniń joǵary deńgeide damyp kele jatqanynyń aiqyn kórsetkishi ekenin aitty.
«Memleket basshysy buqaralyq sportty damytý máselesin únemi basty nazarda ustap keledi. Sizderdiń bul jeńisterińiz – jeke jetistik emes, búkil Qazaqstan halqy úshin zor maqtanysh. Sizder elimizdi álemniń úzdik shahmat ujymdarymen terezesi teń ekenin dáleldedińizder», – dedi Erbol Myrzabosynov.
Halyqaralyq arenada el namysyn abyroimen qorǵap, joǵary sporttyq jetistikterge qol jetkizgeni úshin grossmeister, KazChess komandasynyń múshesi Darmen Sadvaqacov, komanda kapitany ári kúmis júldeger Gúlmira Dáýletova, sondai-aq sportshylar Aldiiar Ansat, Elnaz Qaliahmet jáne Islam Aiten alǵys hattarmen marapattaldy. Ishki erejege sáikes, joǵary nátijeler kórsetken sportshylardy qoldaý jáne yntalandyrý maqsatynda olardyń árqaisysyna aqshalai sertifikattar tabystaldy. Shahmat sportyn damytýǵa qosqan úlesi úshin Qazaqstan shahmat federatsiiasynyń prezidenti Timýr Týrlov «Qurmetti sport qyzmetkeri» tósbelgisimen marapattaldy.
«Kez kelgen jetistik – bul jai ǵana sporttyq nátije nemese jeke jeńis emes, memlekettiń júieli qoldaýynyń naqty kórinisi ekenin jaqsy túsinemiz. Biz bul qoldaýdy ár kezeńde sezinip kelemiz: balalar shahmatyn damytýdan bastap, elimizde iri halyqaralyq týrnirlerdi uiymdastyrýǵa deiin. Bul bizge erekshe serpin beredi, jigerlendiredi ári aldaǵy biik maqsattardy aiqyndaýǵa jol ashady», – dedi Timýr Týrlov.
2025 jyldyń alǵashqy jartyjyldyǵynda otandyq shahmatshylar halyqaralyq deńgeidegi jarystarda 81 medal jeńip aldy. Onyń ishinde 34-i – altyn, 21-i – kúmis, 26-sy – qola. Bul – elimizde shahmat sportyn damytý isi júieli júrgizilip jatqanyn jáne elimizdiń básekege qabilettiliginiń artyp kele jatqanyn aiqyn kórinisi.
