Sý resýrstary jáne ırrıgasıa mınıstri Nurjan Nurjigitov Úkimet otyrysynda Astana irgesindegi úsh eldi mekenge Nura ózeninen tasqyn qaýpi tónip turǵanyn eskertti, dep jazady Dalanews.kz.

Sheneýniktiń málimetinshe, Astana sý qoımasyna 26-30 naýryz aralyǵynda 150 mln tekshe metr sý túsken. Iaǵnı, sý ortasha kóp jyldyq túsimnen edáýir asyp ketti.

- Astana sý qoımasynan sýdyń aǵysyn boldyrmaý, 29 naýryzda Esil ózeniniń arnasyn jýý úshin tómengi befke sý jiberildi. Qaraǵandy oblysynda ornalasqan Samarqand sý qoımasy búgingi tańda 100% tolǵan. Ulytaý oblysyndaǵy Sherýbaı–Nura sý qoımalary búgingi tańda 96% tolǵan. Samarqand jáne Sherýbaı–Nura sý qoımalarynan tastalǵan jáne tómen jaǵynan qosylatyn búıirlik aǵyndardy esepdegende Nura ózeni arqyly Preobrajensk sý torabyna shamamen 4 sáýirde 2500 m3/sek sý aǵyny kútilýde. Óz kezeginde Qoshqarbaev, Qosshy, Taıtóbe eldi menkenderin sý basý qaýpi tónip tur. Osyǵan baılanysty jergilikti atqarýshy organdar tıisti sharalardy qamtamasyz etý kerek, - dedi mınıstr.

Vedomstvo basshysy Ulytaý oblysyndaǵy Keńgir sý qoımasyna tolǵan sýdy Sarysý ózeni arqyly Qyzylorda oblysynyń aýmaǵynda ornalasqan Telikól kóline jiberilip jatqanyn aıtty.