Taraptar kún tártibinde monitoringtik toptardyń jumysyn uiymdastyrý, olardyń naqty qyzmetin anyqtaý, quqyqtyq mártebe berý máseleleri talqylandy.
Almaty qalasy boiynsha «Qoǵamdyq baqylaý» qoǵamdyq bastamasynyń belsendisi Saida Taýekelovanyń aitýynsha, dárihanalardy tekserip, gýmanitarlyq júkterdi dittegen jerine jetkizýge kómekteskende jáne meditsinalyq uiymdarǵa reid barysynda quqyqtyq sipattaǵy máseleler jii týyndaitynyn alǵa tartty.
– Árbir monitoringtik toptyń naqty qyzmetin belgilep, eriktilerge kýálik, jadynama men taný belgilerin berý kerek, túsken aqparatty óńdep, ony sheshim qabyldaý úshin tiisti instantsiialarǵa berý qajet, – dedi eriktiler qozǵalysynyń kóshbasshysy.
«Qoǵamdyq baqylaýdyń» respýblikalyq úilestirýshisi Lima Diastyń pikirinshe, jumysty bir júiege qoiyp, eń bastysy dárigerlerdiń qyzmetine kedergi keltirmei, mamandar men patsientterdiń densaýlyǵyna qaýip tóndirmeý qajet. Eriktilerge qatań sanitarlyq rejimdegi mekemelerge, infektsiialyq statsionarlarǵa kirýine ruqsat etý kerek.
Ol barlyq oblysta eriktiler qozǵalysynyń úilestirý ortalyǵy qurylǵanyn habarlady. Aýrýhanalarǵa kelgen gýmanitarlyq júkterdi birge jetkizý boiynsha monitoring júrgizgenin, dári-dármektiń bar-joǵy anyqtaý úshin dárihanalarǵa tekserý júrgizilgenin, meditsinalyq uiymdarǵa barý josparlanýda ekenin aitty. Óz kezegende depýtat Irina Smirnova qoǵamdyq toptar azamattardyń densaýlyǵyn qorǵaý isine baǵa jetpes úles qosyp, dárihanalardy dári-dármekpen qamtamasyz etýde úlken qadamdar jasap otyr dep esepteidi.
Al Qostanai oblysy Densaýlyq saqtaý basqarmasynyń ókili Kseniia Jylqybaeva juqpaly jáne proviziorlyq statsionarlardyń meditsina qyzmetkerleri qoǵamdyq baqylaý jumysynan qaýiptengenin jetkizdi.
– Eriktilerdiń igi nieti infektsiia órship turǵan qaýipti aýrýhanalarǵa baqylaýsyz saiahatqa ainalmaýy tiis, – dedi ol dárigerlerdiń atynan.
Qoǵamdyq baqylaýdyń negizgi mindeti aýrýhanalar men dárihanalardyń jumysyna kedergi jasaý emes, jaǵdaiǵa emotsiiasyz obektivti baǵa berý ekeni belgili.
– Biz úshin keri bailanystyń bolǵany, BAQ-ta, áleýmettik jelilerde jaǵdaidy jariialaý óte mańyzdy. Bizdiń qyzmetimiz KVI shaldyqqan adamdardyń muń-muqtajyna baǵyttalǵan, olar tolyq meditsinalyq kómek alady, – dedi Nur-Sultan qalasy boiynsha qozǵalys belsendileriniń biri Vera Kim.
– Densaýlyq saqtaý ministrliginiń kelisimi men reglament bolsa, KVI shaldyqqan naýqastar emdelip jatqan meditsinalyq uiymdarǵa barýdy josparlaimyz. Jaqyn arada eriktilerdiń jumysyna arnalǵan memorandým – quqyqtyq baza, eriktilerge arnalǵan jadynama jáne maqsatty monitoringtik toptardyń reglamenti ázirlenedi. Biz Densaýlyq saqtaý ministrligi men jergilikti atqarýshy organdardy, atap aitqanda, Densaýlyq saqtaý basqarmasynyń qoldaýyna úmittenemiz, – dep túiindedi belsendiler.
Ministr barlyq taraptyń pikirlerin tyńdap, «Qoǵamdyq baqylaý» múshelerinen kelip túsetin aqparatpen naqty jumys isteýdiń mańyzdylyǵyn atap ótti, bul jergilikti atqarýshy organdardyń qatysýymen júieli máselelerdi sheshýge múmkindik beredi.
– KVI qarsy birge kúresýimiz kerek. Bizdiń mindetimiz – durys densaýlyq saqtaý júiesin qurý. Jergilikti jerler salǵyrttyq tanytpaýy tiis, sonymen birge dárigerlerdi qoldap, qamqorlyq kórsetýge mindettimiz. Patsientterge keletin bolsaq, eger zańsyz jaǵdailar bolsa nemese kómek kórsetý standarttaryna sáikes kelmese, onyń sebepterin anyqtaý kerek. Dárigerler men patsientterdiń ar-namysy men abyroiy qorǵalýy tiis, – dedi Densaýlyq saqtaý ministri. Sonymen qatar «Eriktiler qaýipsizdik sharalar men sanitarlyq normalardy saqtaýy qajet. Olar mindetti túrde qatań nusqamadan ótýi tiis. Óitkeni infektsiiany juqtyrý qaýpi úlken. Sondyqtan statsionarlardyń qatań talaptaryn saqtaý óte mańyzdy» dep atap ótti A.Tsoi.
Onyń aitýynsha, eger zań buzylsa, shaǵymdar belgili bir normalardy saqtai otyryp rásimdelý qajet. «Zań buzýǵa bolmaidy. Densaýlyq saqtaý ministrligi ony turaqty baqylaýda ustaidy jáne qadaǵalaidy» dedi ministr.
Eriktiler qozǵalysynyń múshesi Bibinur Sheralieva ministrge birqatar usynys aitty, máselen, jumysy toqtap turǵan meditsinalyq jabdyqtardy qaita bólý, sondai-aq epidemiia kezinde patsientterge psihologiialyq qoldaý kórsetý.
Densaýlyq saqtaý ministri barlyq usynysty muqiiat tyńdap, meditsinalyq kómek sapasyn arttyrý jáne meditsinalyq uiymdardyń jumysyn jaqsartý úshin «Qoǵamdyq baqylaý» belsendilerine jan-jaqty qoldaý kórsetýge daiyn ekendigin bildirdi.
QR Densaýlyq saqtaý ministrliginiń Baspasóz qyzmeti
