Semınar-keńes jumysyna «Áziret Sultan» qoryq-mýzeıiniń dırektory J.Áýbákir, Túrkistan qalasy Mádenıet jáne tilderdi damytý bóliminiń basshysy J.Ibragımov, Otyrar memlekettik arheologıalyq qoryq-murajaıynyń dırektory A.Jandosov, «Ordabasy» memlekettik tarıhı-mádenı qoryǵynyń dırektory B.Ismatov, «Ordabasy» qoryǵynyń tarıhı jádigerler jáne ekskýrsıa bóliminiń meńgerýshisi D.Ábdiraev, «Ordabasy» qoryǵynyń bas qor saqtaýshysy B.Qasımov, Q.A. Iasaýı atyndaǵy Halyqarylyq qazaq-túrik ýnıversıteti Arheologıa ınstıtýtynyń qyzmetkeri M.Bahtybaev, qalalyq Etnopedagogıkalyq kolej dırektorynyń orynbasary Q.Baımen, Tarıhı-mádenı etnografıalyq ortalyǵynyń dırektor orynbasary T.Akımov jáne basqa da mýzeı qyzmetkerleri, BAQ ókilderi qatysty.
Alǵashqy sóz alǵan «Áziret Sultan» qoryq-mýzeıiniń dırektory J.Áýbákir ataýly «18 mamyr Halyqaralyq mýzeıler» kúnimen quttyqtap, kelgen qonaqtarǵa alǵysyn jetkizdi.
Mádenıet jáne mýzeı salasynyń basshylary óz quttyqtaý sózderinde mýzeı isinde atqaryp jatqan ıgi bastamalarǵa sáttilik pen tolaǵaı tabystar tilep, aldaǵy ýaqytta birlese qyzmet isteýge shaqyrdy.
Semınar-keńes barysynda «Áziret Sultan» qoryq-mýzeıi dırektorynyń ǵylymı jumystar jónindegi orynbasary E.Esjan «Túrkistan aýyl okrýgterdegi eskertkishterdi qorǵaý máselesi» taqyrybynda baıandama jasasa, qoryq-mýzeıdiń Tarıhı eskertkishterdi qorǵaý jáne arheologıa bóliminiń meńgerýshisi M.Tuıaqbaev «Mádenı mura baǵdarlamasy aıasynda qalpyna keltirilgen eskertkishter», bas qor saqtaýshy N.Áshirbekova «Mýzeı qorynyń saqtalýy, zerttelýi, jetistikteri», ǵylymı qyzmetker B.Baıbolov «Mýzeıdegi ekspozısıa jáne kórme qyzmeti» taqyryptarda baıandamalar jasaldy. Sonymen qatar, Q.A. Iasaýı atyndaǵy Halyqarylyq qazaq-túrik ýnıversıteti Arheologıa ınstıtýtynyń qyzmetkeri M.Bahtybaev «Syǵanaqty mýzeılendirý», Tarıhı-mádenı etnografıalyq ortalyǵynyń ǵylymı qyzmetkeri B.Danıarov «Tarıhı-mádenı etnografıalyq ortalyq pen qala mektepteriniń baılanysy» taqyryptarda baıandamalar oqydy.
Semınarǵa qatysýshylar semınardan úlken ásermen alyp, izdegen suraqtaryna jaýabyn taýyp, jańalyqtarmen tanysyp, sertıfıkattaryn alyp, oılaryn ortaǵa salyp pikir almasty. Sharany joǵary deńgeıde ótkizýge atsalysqan uıymdastyrýshylarǵa óz rızashylyqtaryn bildirdi.
D.QOJAMURATOV
