«ازىرەت سۇلتان» مەملەكەتتىك تاريحي-مادەني قورىق-مۋزەيىندە «18 مامىر حالىقارالىق مۋزەيلەر» كۇنىنە وراي رەسپۋبليكالىق «مۋزەيلەردىڭ مادەني جانە رۋحاني قۇندىلىقتاردى ساقتاۋ، زەرتتەۋ جانە جەتىلدىرۋ ەرەكشەلىكتەرى» تاقىرىبىندا سەمينار-كەڭەس بولىپ ءوتتى.

سەمينار-كەڭەس جۇمىسىنا «ازىرەت سۇلتان» قورىق-مۋزەيىنىڭ ديرەكتورى ج.اۋباكىر، تۇركىستان قالاسى مادەنيەت جانە تىلدەردى دامىتۋ ءبولىمىنىڭ باسشىسى ج.يبراگيموۆ، وتىرار مەملەكەتتىك ارحەولوگيالىق قورىق-مۇراجايىنىڭ ديرەكتورى ا.جاندوسوۆ، «ورداباسى» مەملەكەتتىك تاريحي-مادەني قورىعىنىڭ ديرەكتورى ب.يسماتوۆ، «ورداباسى» قورىعىنىڭ تاريحي جادىگەرلەر جانە ەكسكۋرسيا ءبولىمىنىڭ مەڭگەرۋشىسى د.ابدىرايەۆ، «ورداباسى» قورىعىنىڭ باس قور ساقتاۋشىسى ب.قاسيموۆ، ق.ا. ياساۋي اتىنداعى حالىقارىلىق قازاق-تۇرىك ۋنيۆەرسيتەتى ارحەولوگيا ينستيتۋتىنىڭ قىزمەتكەرى م.باحتىبايەۆ، قالالىق ەتنوپەداگوگيكالىق كوللەدج ديرەكتورىنىڭ ورىنباسارى ق.بايمەن، تاريحي-مادەني ەتنوگرافيالىق ورتالىعىنىڭ ديرەكتور ورىنباسارى ت.اكيموۆ جانە باسقا دا مۋزەي قىزمەتكەرلەرى، ب ا ق وكىلدەرى قاتىستى.

العاشقى ءسوز العان «ازىرەت سۇلتان» قورىق-مۋزەيىنىڭ ديرەكتورى ج.اۋباكىر اتاۋلى «18 مامىر حالىقارالىق مۋزەيلەر» كۇنىمەن قۇتتىقتاپ، كەلگەن قوناقتارعا العىسىن جەتكىزدى.

مادەنيەت جانە مۋزەي سالاسىنىڭ باسشىلارى ءوز قۇتتىقتاۋ سوزدەرىندە مۋزەي ىسىندە اتقارىپ جاتقان يگى باستامالارعا ساتتىلىك پەن تولاعاي تابىستار تىلەپ، الداعى ۋاقىتتا بىرلەسە قىزمەت ىستەۋگە شاقىردى.

سەمينار-كەڭەس بارىسىندا «ازىرەت سۇلتان» قورىق-مۋزەيى ديرەكتورىنىڭ عىلىمي جۇمىستار جونىندەگى ورىنباسارى ە.ەسجان «تۇركىستان اۋىل وكرۋگتەردەگى ەسكەرتكىشتەردى قورعاۋ ماسەلەسى» تاقىرىبىندا بايانداما جاساسا، قورىق-مۋزەيدىڭ تاريحي ەسكەرتكىشتەردى قورعاۋ جانە ارحەولوگيا ءبولىمىنىڭ مەڭگەرۋشىسى م.تۇياقبايەۆ «مادەني مۇرا باعدارلاماسى اياسىندا قالپىنا كەلتىرىلگەن ەسكەرتكىشتەر»، باس قور ساقتاۋشى ن.اشىربەكوۆا «مۋزەي قورىنىڭ ساقتالۋى، زەرتتەلۋى، جەتىستىكتەرى»، عىلىمي قىزمەتكەر ب.بايبولوۆ «مۋزەيدەگى ەكسپوزيسيا جانە كورمە قىزمەتى» تاقىرىپتاردا باياندامالار جاسالدى. سونىمەن قاتار، ق.ا. ياساۋي اتىنداعى حالىقارىلىق قازاق-تۇرىك ۋنيۆەرسيتەتى ارحەولوگيا ينستيتۋتىنىڭ قىزمەتكەرى م.باحتىبايەۆ «سىعاناقتى مۋزەيلەندىرۋ»، تاريحي-مادەني ەتنوگرافيالىق ورتالىعىنىڭ عىلىمي قىزمەتكەرى ب.دانياروۆ «تاريحي-مادەني ەتنوگرافيالىق ورتالىق پەن قالا مەكتەپتەرىنىڭ بايلانىسى» تاقىرىپتاردا باياندامالار وقىدى.

سەمينارعا قاتىسۋشىلار سەميناردان ۇلكەن اسەرمەن الىپ، ىزدەگەن سۇراقتارىنا جاۋابىن تاۋىپ، جاڭالىقتارمەن تانىسىپ، سەرتيفيكاتتارىن الىپ، ويلارىن ورتاعا سالىپ پىكىر الماستى. شارانى جوعارى دەڭگەيدە وتكىزۋگە اتسالىسقان ۇيىمداستىرۋشىلارعا ءوز ريزاشىلىقتارىن ءبىلدىردى.
د.قوجامۇراتوۆ