Qarasai, Talǵar jáne Ile aýdandary ýchaskeleriniń megapoliske qosylýyna bailanysty qala biligi halyqty taza aýyz sýmen qamtamasyz etýge erekshe kóńil bólýde.
Ákim orynbasarynyń aitýynsha, aǵymdaǵy 2021 jyly sýmen jabdyqtaý jáne sý burý jelileriniń qurylysy boiynsha jumystar 24 shaǵyn aýdandy qamtydy. 10 aida 120 shaqyrym sýmen jabdyqtaý jáne 77 shaqyrym káriz jelisi júrgizildi. 14 shaǵyn aýdanda aǵymdaǵy jyly jelilerdiń qurylysyn aiaqtaý josparlanýda, bul 23 myńnan astam úidi qalalyq jelilerge qosýǵa múmkindik beredi.
Almaty biligi sapaly elektrmen jabdyqtaý máselesin de nazardan tys qaldyrmaǵan. Máselen, «Tuzdybastaý» qosalqy stantsiiasyn salý esebinen Túrksib aýdanynyń 200 myńnan astam turǵyny 2022 jyly turaqty elektrmen jabdyqtaýǵa qol jetkizedi.
Sondai-aq, Jetisý aýdanynda jańa qosalqy stantsiia qurylysyn bastaý josparlanýda.
Ákimniń orynbasary turaqty elektrmen jabdyqtaý boiynsha jumystar iesiz jeliler boiynsha da júrgizilip jatqanyn atap ótti. Aǵymdaǵy jyly 91,8 km elektr jelileri iesiz dep tanylyp, «Alataý Jaryq Kompaniiasy»AQ-ǵa qyzmet kórsetý úshin berildi. Qazirgi ýaqytta 83,5 km iesiz jeliler Energotiimdilik jáne infraqurylymdyq damý basqarmasyna bekitilip, keiinnen «Alataý Jaryq Kompaniiasy»AQ-ǵa beriletin bolady.
«Shetsiz qala» tujyrymdamasyn iske asyrý kezinde syrtqy jaryqtandyrýǵa erekshe kóńil bólinedi. Qala ákimi Baqytjan Saǵyntaevtyń sońǵy 2 jyldaǵy bastamasynyń arqasynda megapolistiń 1 963 kóshesi kóshe shamdarymen qamtamasyz etildi.
Ákim orynbasarynyń aitýynsha, búgingi tańda megapolis turǵyndarynyń 99,2%-i tabiǵi gazǵa qol jetkizip otyr. 2022 jyly úilerdiń 100%-i gazben qamtamasyz etiledi.
