Memleket qairatkeri Muhambet Kópeev "Adyrna" ulttyq portalyna bergen suhbatynda Qazaqstan Prezidenti Qasym-Jomart Toqaevtyń kóptildiligi men tereń bilimin joǵary baǵalap, onyń halyqaralyq deńgeidegi bedeline erekshe toqtaldy, dep habarlaidy dalanews.kz.
Muhambet Kópeevtiń aitýynsha, Qasym-Jomart Toqaevpen Senatta birge qyzmet atqarǵan jyldary onyń jan-jaqty bilimine, este saqtaý qabiletine jáne adamgershilik qasietterine talai márte kýá bolǵan.
– Senatta júrgende ekeýmiz kóp sóilesetinbiz. Ol kisi tóraǵa, men orynbasar boldym. Shai iship, syrlasatynbyz. Ómirinde meni qysqartyp atamai, únemi «Muhambet Jumanazaruly» dep qurmet kórsetetin. Arhivtegi derekterdi dál aldynda turǵandai aityp beredi. Belgili jazýshylar men saiasatkerlerdiń ondaǵan jyl buryn aitqan sózderin qazir oqyp otyrǵandai jatqa keltiredi, – dedi ol.
Sondai-aq memleket qairatkeri Prezidenttiń birneshe shet tilin ádebi deńgeide meńgergenin atap ótti. Onyń sózinshe, bul qasiet Qasym-Jomart Toqaevqa álem kóshbasshylarymen tikelei ári erkin dialog ornatýǵa múmkindik beredi.
– Hý Tszintao Qazaqstanǵa kelgende Qasym-Jomart Kemeluly qytai tilinde taza sóilep, qonaqtardyń rizashylyǵyna bólendi. Aǵylshyn, frantsýz jáne qytai tilderin ádebi, kórkem deńgeide meńgergen. Bul onyń diplomatiialyq qyzmetindegi erekshe artyqshylyqtarynyń biri, – dedi Muhambet Kópeev.
Onyń pikirinshe, Memleket basshysynyń tereń bilimi men birneshe tildi erkin meńgerýi Qazaqstannyń halyqaralyq arenadaǵy bedelin nyǵaitýǵa yqpal etip keledi.
