Antikor eks-ministr Baǵdat Mýsinge qylmystyq is qozǵaldy degen aqparatqa qatysty pikir bildirdi, - dep habarlaidy Dalanews.kz Zakon.kz-ke siltep.
30 sáýirde Baǵdat Mýsin tsifrlyq damý ministrliginen ketken bolatyn. Artynsha áleýmettik jelide eks-ministrge qylmystyq is qozǵaldy degen aqparattar tarap ketti.
Antikor bul aqparatty teriske shyǵardy.
«Qazirgi ýaqytta Sybailas jemqorlyqqa qarsy is-qimyl agenttigi men onyń aýmaqtyq bólimshelerinde burynǵy Tsifrlyq damý, innovatsiialar jáne aeroǵarysh ónerkásibi ministri Mýsin Baǵdat Batyrbekulyna qatysty qylmystyq is joq», - dedi sotqa deiingi tergep-tekserý qyzmetiniń basshysy Qanat Súleimenov.
Baǵdat Mýsin Tsifrlyq damý, innovatsiialar jáne aeroǵarysh ónerkásibi ministrligin 2020 jyldyń qyrkúieginen 2024 jyldyń sáýirine deiin basqardy. Prezidenttiń úkimimen qyzmetinen bosatyldy. Mýsinniń ózi otstavkaǵa ózi bergenin aitty.
Baǵdat Mýsin áleýmettik jelidegi paraqshasynda ministr qyzmetinde bolǵan kezde qandai jumystar atqarǵanyn tizip shyqqan bolatyn. Odan bólek, Mýsin óz qyzmetin júzege asyrý kezinde olqylyqtarǵa jol bergenin moiyndady.
«Eshteńe jasamaityn adam qatelespeidi degen sóz bar ǵoi. Aldaǵy ýaqytta júrip ótken joldy oi eleginen ótkizip, jaýapty qyzmettegi tyǵyz kestege bailanysty kóńil bóle almaǵan otbasymmen birge demalý josparda bar.
Munyń bári qaitadan sapta bolý úshin qajet! Óitkeni men Prezidentimizdiń senimdi qoldaýshysy, jańa Qazaqstan saiasatynyń jaqtaýshysymyn jáne solai bolyp qala beremin, qai jerde bolmasyn, osy maqsattyń igiligi úshin jumys isteýge barymdy salamyn. Al ázirge jii keiinge qaldyrǵan istermen ainalysqym keledi», - dedi eks-ministr.
