Túrkistan oblysynda terrorizmdi nasihattaǵany jáne ekstremistik uiymnyń qyzmetine qatysý arqyly basqarý tártibine qarsy qylmystyq quqyq buzýshylyq jasaǵandar sottaldy, dep habarlaidy Dalanews.kz.
Jambyl oblysynyń turǵyny ótken jyldyń qazan aiynda Telegram áleýmettik jelisinde «Islam úshin» atty paraqsha ashyp, onda zańsyz terroristik qurylym retinde tanylǵan «Musylman baýyrlar» jáne «Ózbekstan-islamdyq qozǵalysy» halyqaralyq terroristik uiymdarynyń beine jazbalaryn taratqan.
Sol siiaqty, Túrkistan oblysynyń turǵyny jeltoqsan aiynda «WhatsApp» jáne «Facebook» áleýmettik jelileri arqyly birneshe ret «Hizb-ýt-Tahrir» dini ekstremistik uiymynyń beinejazbalaryn taratqan.
Memlekettik aiyptaýshylar sot barysynda sottalýshylardyń kinásin tolyq dáleldep, bas bostandyǵynan aiyrý jazasyn taǵaiyndaýdy suraǵan.
Terrorizmdi nasihattaǵan kináli tulǵalarǵa 7 jyl merzimge bas bostandyǵynan aiyrý jazasy taǵaiyndalyp, jazany qylmystyq-atqarý júiesiniń qaýipsizdigi barynsha joǵary mekemesinde óteý taǵaiyndaldy.
Úkimder zańdy kúshine engen.
