Qazirgi ýaqytta, bul eldi meken xalqy aýyz sýmen, sapaly elektr qýatymen jáne kógildir otynmen tolyq qamtylǵan bolsada, jańaqurylys bóligine áli de sapaly elektr jaryǵy men tabiǵi gaz kelmegen. Bul boiynsha biyl tiisti jumystar júrgizilip, infraqurylym máselesi tolyq sheshiledi.
Munda 6 myńnan astam turǵyn bolsa, onyń 1600 balalar. Bul aýmaqta 600 oryndyq mektep bar. Osyny negizge alǵan Jańaqurylys bóliginde turatyn turǵyndar qosymsha mektep salyp berýdi, kópir men asfalt jol jáne shaǵal tas tósep berý jaiyn aitty. Sonymen qatar, aqsaqaldar Badam ózeni boiynan shaǵal tas urlaý máselesin kóterdi.
Qala ákimi turǵyndardyń talap-tilekterin tyńdap, sala jetekshilerimen, aýdan əkimdigine kóterilgen məselerdi zań aiasynda qarap, sheshý boiynsha birqaratar naqty tapsyrma berdi.
– Bul eldi mekende kommýnaldyq-infraqurylymmen qamtý máselesi tolyq sheshildi desek te bolady. Endigi jerde jol sapasyn jaqsartyp, jaryqtandyrý jumystary júrgiziledi. Budan bólek, balalar alańshasy da ornatylady. Ótken jyly eki sport alańshasy salynyp, paidalanýǵa berilgenin ózderińiz bilesizder. Bul jumystardyń barlyǵy halyqtyń jaily ómir súrýi úshin jasalyp jatyr. Qosymsha mektep salý máselesin qarastyratyn bolamyz. Osynda aitylǵan ótinishterdiń oryndalýy ózimniń jeke baqylaýymda bolady. Bar kúsh jigerimmen qyzmet etýge ázirmin, – dedi shahar basshysy.
Jańatalap turǵyn alabynyń jer kólemi 773 gektardy quraidy. Turǵyn úi sany 776. Munda 600 oryndyq 1 mektep, 1 balabaqsha, 1 ambýlatoriia men 1 mádeniet úii jáne 3 sport alańshasy bar.
