Belgili saıasatker, qoǵam belsendisi Murat Ábenov óziniń Feısbýktaǵy paraqshasynda «Qantar oqıǵasynyń» negizgi sebepteriniń biri qarapaıym azamattardyń múddelerin qorǵap, eldegi jaǵdaıdy bılikke jetkizetin júıeli saıası qural bolmaýdan týyndaǵanyn aıtty, sonymen qatar ol Qazaqstan halqy Assambleıasynan saılanatyn depýtattarǵa qatysty oıyn da ortaǵa saldy, – dep habarlaıdy Dalanews.kz.

– Aldaǵy saıası reformaǵa kóp máselelerge jaýap berý kerek? Qazaq eliniń qany tógilgen «Qantar oqıǵasynyń» negizgi sebepteriniń biri qarapaıym azamattardyń múddelerin qorǵap eldegi jaǵdaıdy bılikke jetkizetin júıeli saıası qural bolmaǵanyn osyndaı jaǵdaıǵa tap bolmanymyzdy moıyndaýmyz kerek.

Beıbit mıtıńke shyqqandardyń basym kópshiligi qazaq tildi, ózge aımaqtardan kelgen azamatttar bolǵanyn bilemiz.

Bizde partıalyq tizimnen bólek Qazaqstan halqy Assambleıasy arqyly saılaǵan depýtattar bar. Olar bundaı qıyn kezeńde qaıda júrdi? Halyqtyń atynan saılan depýtattar beıbit sherýshilerdiń ortasynda bolyp, jurtqa arasha tústi me? Eń bolmasa beıbit mıtıńke shyǵyp qurban bolǵandardyń otbasyna kóńil aıtty ma?

Men mundaı áreketti baıqamadym...

Osyndan keıin Qazaqstan halqy Assambleıasy atynan bólektep Parlamentke depýttar saılaýdyń qandaı qajetti bar degen suraq týyndaıdy. Menińshe, osy máseleni qaıta qaraý kerek.