"Búgin tańerteń menimen qatar osyndaǵy kóptegen áriptesterimdi - Májilis depýtattaryn AQSh úkimeti qarjylandyratyn "Azattyq radiosynyń" ókilderi suraqtyń astyna aldy. Olar Resei Federatsiiasy Syrtqy ister ministri Sergei Lavrovtyń "Resei jáne Qazaqstan: shekarasyz yntymaqtastyq" maqalasyndaǵy bir sóilemge dereý jaýap berýdi talap etti.
Árine, atalǵan sóz tirkes tolyq mátinniń ortasynan julynyp alynǵan, muny Lavrovtyń maqalasyn basynan aiaǵyna deiin oqysańyz, baiqaý qiyn emes.
Biraq sońǵy kezderi Resei memleketiniń joǵary laýazymdy ókilderi men reseilik jetekshi buqaralyq aqparat quraldarynyń elimizdegi ómirdiń bir tusyna ǵana kóbirek nazar aýdarýy qazaqstandyqtarǵa qalai kórinedi?
Ultaralyq tatýlyq pen kelisim – Táýelsizdigimizdiń 30 jylyndaǵy basty jetistikterimiz degenge qazaqstandyqtar shyn júrekten senedi.
Búginde elimizde júzden astam ult ókilderi tatý-tátti ómir súrýde. Qazaqstannyń Konstitýtsiiasynda orys tiliniń mártebesi bekitilip, kórsetilgen ári biz onyń mańyzdylyǵyn joǵary baǵalaimyz. Kóptegen mektepterimiz, kolledj jáne ýniversitetterimizde sabaq orys tilinde oqytylady. Milliondaǵan qazaqstandyq orystar ainalasynan qandai da bir "ksenofobiiany" kórip-bilip jatqan joq.
Qazaqtar, ózbekter, ýkraindar, uiǵyrlar, tatarlar, nemister jáne Qazaqstannyń kóptegen basqa halyqtary óz ortasynan ondaidy baiqaǵan emes.
"Ksenofobiianyń rezonansty kórinisterine" keletin bolsaq, olardyń árqaisysy quqyqqorǵaý organdary men qazaqstandyq qoǵam tarapynan der kezinde shynaiy óz baǵasyn alýda. Solai bolǵan, solai bolady ári qarai da solai bola beredi.
Árine, Qazaqstan men Resei siiaqty tatý kórshiler arasynda talqylaýǵa jatpaityn jabyq taqyryptar, qosarlas standart (óz ishinde, sol sekildi syrtta da) degen bolmaýy kerek. Onyń ústine, Reseidiń ózinde de aitarlyqtai qoǵamdyq narazylyq týdyratyn jáne Resei memleketin jaǵdaiǵa sai áreket etýge májbúrleitin "ksenofobiialyq kórinister" aragidik tóbe kórsetip qalyp jatady.
Árine ókinishti, Reseidiń joǵary deńgeide bizdiń eldegi turmystyq saladaǵy ultshyldyqtyń jekelegen kórinisterine osyndai reaktsiia bolyp jatqany, iá, álemniń kóptegen elindegi siiaqty bizde de keide ondai jaittar oryn alyp jatady. Mundai reaktsiia kóptegen qazaqstandyqtardy, bir jaǵynan tań qaldyryp, taǵy bir jaǵynan qatty qynjyltyp otyrǵan jaiy bar.
Sergei Viktorovich bylai dep jazady: "Jekelegen jaǵdailar, negizinen, syrttan qoldanylǵan arnaiy aqparattyq aila-sharǵylardyń jemisi". Menińshe, mundai jaǵdailarǵa qatysty reseilik resmi reaktsiia sheteldik agentterdiń diversiialyq jumysy, eger ol solai bolsa, onda óz maqsatyna jetkenin dáleldeidi.
Al bul, árine ózekke túsken ókinishti eki ese ulǵaitady".
