Qyrýar salyq tólemegenderdiń "tiziminde" júrgen tanymal qazaqstandyqtar bul jaitqa qatysty pikir bildirdi, dep habarlaidy Dalanews.kz.
Aita keteiik, kúni keshe jýrnalist Mihail Kozachkov telegram arnasynda salyq tólemei júrgen tanymal qazaqstandyqtardyń tizimin jariialaǵan bolatyn. Onyń ishinde, bloger, kásipker Beibit Álibekov kósh basynda tur. Tizimdegi aqparatqa sáikes, Álibekov eki milliardtan asa salyq tólemegen.
Tizimde kásipker Syrymbek Taý bar. Ol 114 million teńge salyq tólemegen kórinedi. Alaida kásipker oǵan qatysy bar kompaniialar keminde 10 milliard teńgeden astam salyq tólegenin aitty.
"114 million teńgege jarnama jasap, salyq tólemedi nemese bloger retinde 114 million teńge tabys tapty degen aqparat túsiniksiz. Osy máselege qatysty esepshim barlyq qujattardy muqiiat tekserip, 2022-2023 jyldarǵa qatysty mán-jaidy anyqtaidy.
"Salyq qyzmetkerleri meni zańsyz jarnamamen ainalysty dep kúdiktenip, ol boiynsha salyq tólemedi dep oilap, meniń barlyq jeke bank kartalarymnan barlyq qolma-qol aqsha operatsiialaryn surady. Meniń aqsha ainalymyma qol jetkizip, salyq qyzmetkerleri onyń bári jarnamanyń aqshasy dep oilaǵan. Biraq onyń ishinde zańdy tulǵalardan birde-bir aqsha túspegen. Bári jeke aýdarymdar - otbasylyq aýdarymdar, basqa banktegi shottarymnan, óz depozitterimnen, bankomattardan qolma-qol aqshany toltyrý jáne t.b. Salyq organdary munyń barlyǵyn jarnama úshin salyq salynatyn tabys retinde esepke alǵan.
P.S: Dál osyndai qulshynyspen salyq qyzmetkerleri Azattyq tilshileri anyqtaǵan Birikken arab ámirlikterinde elitaly úileri bar ekeni anyqtalǵan sheneýnikter, sýdia, bankrot bolyp jatqan ulttyq kompaniialardyń basshylaryn tekserse jaqsy bolar edi", deidi Taijan.
Sonymen qatar, áleýmettik jazbalardyń birinde belgili bloger Órken Kenjebek te tizimde júrýine qatysty pikir bildirgen.
"Ainalamdaǵy bar aqshany esepke alǵan-aý. Mundai aqsham bolsa Qazaqsanda júrip nem bar?" deidi bloger.
