Jer reformasy jónindegi komısıanyń janynan qurylǵan Quqyqtyq, ekonomıkalyq jáne aqparattyq-túsindirý tobynyń jetekshisi Muhtar Taıjan úsh atasy qazaq jerinde týylǵan el azamaty jerimizdi jalǵa alsyn degen usynys aıtty, – dep habarlaıdy Baq.kz tilshisi.

– Búgingi kún tártibinde biz eki máseleni qaraýdamyz. Jerdi jalǵa beremiz be jáne jerdi sheteldikter jalǵa ala ma? Óz basym jerdi belgili bir shekteýmen, kólemmen jáne merzimmen jalǵa berýimiz kerek. Alaıda, úsh atasy óz elimizde týylǵan azamattar ǵana jerdi jalǵa alý quqy berilý kerek dep oılaımyn, – dedi M.Taıjan.

Sondaı-aq, jumys tobynyń jetekshisi óz usynysynda jerdi jalǵa berýge qatysty kóptegen pikirlerdi atap ótti.

– Sonyń biri – eger jerdi jalǵa alǵan azamat 3 jyl ishinde jerdi eshbir óńdeı almasa, onyń jeri memleketke qaıtarylýy kerek. Sol sıaqty, jerdiń qunarlylyǵyn joǵaltyp, tozdyrǵan jalǵa alýshylar da jaýapkershilikke tartylǵany jón, – dedi jumys tobynyń jetekshisi.