10-11 qyrkúiekte Alem.ai halyqaralyq jasandy intellekt ortalyǵynda memleket, biznes, sarapshylar men azamattar tsifrlyq ortadaǵy qaýipsiz minez-qulyqty kúndelikti ómirdegi qaýipsizdik erejeleri siiaqty úirenshikti standartqa qalai ainaldyrýǵa bolatynyn talqylaidy, dep habarlaidy dalanews.kz.
Konferentsiia Qazaqstan Respýblikasy Jasandy intellekt jáne tsifrlyq damý ministrliginiń qoldaýymen ótedi.
Tsifrlyq qaýipter áldeqashan korporativtik qaýipsizdik sheńberinen tys shyǵyp, kúndelikti ómirimizden kórinis taýyp jatyr. Alaiaqtyq, fishing, derekterdiń urlanýy, áleýmettik injeneriia jáne dipfeiktermen búginde kez kelgen adam – úide, jumysta nemese jai ǵana smartfondy paidalaný barysynda betpe-bet kelýi múmkin.
Sondyqtan kiberqaýipsizdik – bul endi tek tehnologiialar men aqparattyq qaýipsizdik (AQ) mamandarynyń mindeti ǵana emes. Árbir adamnyń internettegi qaýipsiz minez-qulyqtyń qarapaiym ári túsinikti daǵdylaryn meńgerýi mańyzdy.
10 qyrkúiek kúni memleket, biznes, startaptar jáne AQ qaýymdastyǵynyń ókilderi kompaniialardyń talaptarǵa sai bolyp qana qoimai, kibershabýyldarǵa shynaiy daiyn bolý joldaryn, memleket pen biznestiń ózara tiimdi árekettesýin jáne búgingi tańda biznesti qorǵaýǵa kómektesetin sheshimderdi talqylaidy.
Jasandy intellektke qatysty jańa qaýip-qaterler jáne JI-diń kiberqaýipsizdikti qalai ózgertetini týraly jeke sóz qozǵalady. Sondai-aq, qatysýshylar naryqtyń baǵytyn jáne onyń 2026–2027 jyldardaǵy damýyn aiqyndaityn úrdisterdi talqyǵa salady.
11 qyrkúiek — qala turǵyndaryna arnalǵan kún
Konferentsiianyń ekinshi kúni otbasylarǵa, balalarǵa, stýdentter men ustazdarǵa arnalady. Bul kúni kiberqaýipsizdik týraly qarapaiym tilmen aitylyp, barlyǵy tájiribe júzinde kórsetiledi.
Qonaqtardy interaktivti trenajerlar, tsifrlyq qaýipsizdik boiynsha oiyndar men testter kútedi. Internette ózińizdi qorǵaý qabiletińizdi tekserip, kibergigiena týraly kóbirek bilýge jáne dipfeikterdiń qalai jasalyp, qalai jumys isteitinin túsinýge múmkindik bolady.
3000-nan astam qatysýshy
Uiymdastyrýshylar Astanada 2000-nan astam qatysýshyny jáne Almaty, Shymkent jáne Qazaqstannyń basqa óńirlerinen 1000-nan astam onlain-qonaqty kútýde.
Eki kún ishinde alańda paneldik pikirtalastar, vorkshoptar jáne naqty keisterge taldaý júrgiziledi. Baǵdarlamada 20-dan astam spikerler men sarapshylar, sondai-aq memlekettik organ ókilderimen tikelei tildesý múmkindigi bar.
