Moody’s halyqaralyq reitingtik agenttigi Kaspi Bank-tiń ulttyq jáne shetel valiýtasyndaǵy uzaq merzimdi reitingterin «Ba1»-den «Baa3»-ke deiin, investitsiialyq deńgeige kóterdi dep habarlaidy Dalanews.kz.
Boljam - «Turaqty». Banktik depozitterdiń ulttyq ólshem boiynsha uzaq merzimdi reitingi A2.kz deńgeiinde rastaldy. Sondai-aq, Kaspi Bank-tiń kredit qabilettiliginiń bazalyq baǵasy ba3-ten ba2-ge kóterildi.
Baǵany kótere otyryp, Moody’s halyqaralyq agenttiginiń sarapshylary kompaniianyń kúshti operatsiialyq jáne qarjylyq kórsetkishterin atap ótti.
Kaspi.kz basshysy jáne negizin qalaýshylardyń biri Mihail Lomtadze pikir bildirdi:
«Moody’s halyqaralyq reitingtik agenttigi Kaspi-diń asa senimdi ekenin, álemdik ekonomikalyq qiyndyq kezeńderinde de turaqty bolyp, damýǵa qabilettiligin taǵy da rastady. Bizdiń komanda Qazaqstanda adamdardyń ómirin jaqsartatyn, shaǵyn jáne orta biznestiń ósýine kómektesetin, eldi álemdik innovatsiialar kartasynda alǵa jyljytatyn innovatsiialyq onlain-servisterdi damytýyn jalǵastyra beredi. Árbir súiikti klientimiz ben seriktesimizge bizben birge bolǵandaryńyz úshin alǵys aitamyz».
Kaspi.kz týraly
Kaspi.kz missiiasy – súiikti klientteri men seriktesteriniń ómirin jaqsartatyn innovatsiialyq ónimder men qyzmetterdi jasaý. Innovatsiialardyń ortasynda eldegi eń tanymal mobildi sýperqosymsha Kaspi.kz tur, ony 14 millionnan astam qazaqstandyq paidalanady jáne ol eldegi jetekshi elektrondyq kommertsiia, tólemder jáne qarjylyq qyzmetter servisterin qamtidy.
Kaspi.kz sýperqosymshasynyń kómegimen qazaqstandyqtar tegin jetkiziletin tiimdi onlain zat satyp alady, komissiiasyz tólemder men aýdarymdar jasaidy, jeke qarajattaryn basqarady, áýe jáne temirjol biletterin, týrlar satyp alady jáne eń tanymal memlekettik qyzmetterdi paidalanady.
Sondai-aq Kaspi.kz biznes úshin Kaspi Pay sýperqosymshasyn jasady, ony 700 myńǵa jýyq qazaqstandyq kásipker paidalanady. Kaspi Pay qosymshasy arqyly qazaqstandyq kásipkerler biznesti damytýǵa qarjy alady, tólem qabyldaidy, jarnamalyq kampaniialardy iske qosady, salyq tóleidi, elektrondyq kommertsiia jáne jetkizý platformasyna qosylady, olardyń kómegimen óz taýarlaryn búkil el boiynsha satady.
