Almatyda ótip jatqan sot otyrysynda jýrnalist Gúlnar Bajkenova ózine taǵylǵan zańsyz kásipkerlik qyzmet týraly aiypty joqqa shyǵardy. Onyń aitýynsha, páter satyp alý-satý áreketteri kásipkerlik emes, jeke jinaǵyn infliatsiiadan saqtaýdyń tásili bolǵan. Bajkenova mundai mámilelerden turaqty tabys tabýdy kózdemegenin málimdedi, dep habarlaidy dalanews.kz.
Jýrnalistiń sózinshe, 2023 jyly qolyndaǵy zańdy qarajatty bankte saqtaǵannan góri jyljymaityn múlikke salýdy jón kórgen.
“Men muny eshqashan kásipkerlik dep sanaǵan emespin. Bul – aqshamdy qunsyzdanýdan saqtaýdyń eń qarapaiym joly boldy. Men árqashan jyljymaityn múlik baǵasy arzandamaidy dep oiladym. Banktegi aqsha infliatsiia saldarynan qunyn joǵaltady, al páter – qaýipsiz aktiv”, - dedi Bajkenova.
Ol uly dúniege kelgennen keiin qarjysyn bolashaǵyna jinai bastaǵanyn aityp, sán-saltanatqa emes, jyljymaityn múlikke investitsiia salýdy tańdaǵanyn jetkizdi.
“Men eshqashan qymbat sómke nemese kólik almadym. Kerisinshe, aqshamdy jyljymaityn múlikke saldym. Sebebi ony balamnyń bolashaǵyna arnalǵan qaýipsiz qor dep sanadym”, - dedi ol.
Bajkenovanyń aitýynsha, 2023 jylǵy 10 qazanda Almatydaǵy "Metropole" turǵyn úi kesheninen páter satyp alǵan. Keiin sol jerden taǵy bir páterdi ielengen.
“Alǵashynda sol páterlerdiń birinde turamyn dep oiladym. Keńseme jaqyn, jaqsy aýdan bolǵandyqtan tańdadym. Biraq keiin balamnyń ekologiialyq taza ortada turǵanyn qalaitynymdy túsindim. Sondyqtan ol jaqqa kóshpeitin bolyp sheshtim”, - dedi ol.
Bajkenovanyń sózinshe, eki páterdi de shamamen eki jyldan keiin satqan.
“Men bul páterlerdi arzanǵa satyp, qymbatqa ótkizip paida tabýdy maqsat etken joqpyn. Eki jyl boiy kommýnaldyq tólemderin tóledim, jóndeý jasadym, asúi jáne basqa da jihazdardy qoidym. Sondyqtan qaǵaz júzinde paida kóringenimen, is júzinde oǵan ketken shyǵyn da az bolǵan joq”, - dep qosty ol.
Jýrnalist 2025 jylǵy 10 qańtarda atalǵan páterlerdiń birin satyp jibergenin aityp, mámileniń notariýs arqyly zań talaptaryna sai rásimdelgenin atap ótti.
“Bul mámile tolyq zańdy boldy. Páterdi shamamen 78,4 million teńgege satyp alyp, keiin 96 million teńgege sattym. Biraq onyń ishinde jóndeý jumystarynyń, jihazdyń jáne basqa da shyǵyndardyń quny bar”, - dedi Bajkenova.
Aitýynsha, páterlerdi satyp alǵan qarajattyń da zańdy shyǵý tegi bar jáne bul jóninde tergeý organdaryna túsinikteme bergen.
“Ol aqshanyń qaidan kelgenin tergeýde tolyq túsindirdim. Tergeýshiler de ony biledi. Sondyqtan zańsyz tabys týraly áńgime bolýy múmkin emes”, - dedi ol.
Sotta Bajkenova páterlerdi qara sylaq kúiinde satyp alyp, keiin tolyq jóndeý júrgizgenin aitty.
“Páterlerdi tolyq jóndep, asúidi, qajetti jihazdardy ornattym. Keiin satyp alýshynyń ótinishi boiynsha jóndeý jumystary men jihazdyń qunyn bólek kórsetip, eki kelisim jasadyq. Bul naqty oryndalǵan jumystar bolatyn”, - dedi ol.
Sonymen qatar Bajkenova barlyq mámile notariýs arqyly rásimdelgenin jáne salyq mindettemelerin oryndap kelgenin aitty.
“Buryn bir ret salyqty ýaqytynda tólemei qalǵanymda, Memlekettik kirister organy habarlama jiberdi. Sol boida salyqty ótedim. Barlyq aqparat memlekettik organdardyń bazasynda tirkelgen, eshteńeni jasyrý múmkin emes”, - dedi Bajkenova.
Sóz sońynda ol birneshe páterdi satyp alyp-satý zańsyz kásipkerlik qyzmettiń belgisi emes ekenin aitty.
“Eki-úsh million teńge kóleminde tabyspen ózimdi kásipker dep sanaǵan emespin. Eger ondaǵan páterim bolyp, sony turaqty túrde satyp júrsem, basqa áńgime. Al meniń jaǵdaiymda bul – jinaǵan qarajatymdy saqtaýdyń tásili boldy”, - dep túiindedi Bajkenova.
Aita keteiik, 2 shildede Almatynyń Bostandyq aýdandyq sotynda jýrnalist Gúlnár Bajkenovaǵa qatysty qylmystyq is boiynsha sot protsesi bastaldy. Oǵan úsh bap boiynsha aiyp taǵylyp otyr. Olar – Qylmystyq kodekstiń 189-baby («Senip tapsyrylǵan bóten múlikti iri mólsherde iemdený nemese ysyrap etý»), 214-baby («Zańsyz kásipkerlik») jáne 274-baby («Kórineý jalǵan aqparat taratý»).
Bájkenova 2025 jyldyń 1 jeltoqsanynan beri úiqamaqta. Sol kúni politsiia onyń úii men Orda.kz redaktsiiasynda tintý júrgizdi. Keiin redaktsiianyń birneshe qyzmetkeri jaýap alýǵa shaqyryldy.
Sot oǵan memleket esebinen advokat taǵaiyndady.
