Qazaqstan men Mońǵoliia prezidentteri shaǵyn quramda kelissóz júrgizdi, - dep habarlaidy Dalanews.kz.
Qasym-Jomart Toqaev qonaqjailyq kórsetkeni úshin Ýhnaagiin Hýrelsýhke rizashylyq bildirip, óziniń Memleket basshysy retindegi Mońǵoliiaǵa alǵashqy saparyna erekshe mán beretinin atap ótti.
Ýhnaagiin Hýrelsýh Qazaqstan Prezidentiniń Mońǵoliiaǵa memlekettik sapary ekijaqty yntymaqtastyqty múldem jańa deńgeige kóteretinine senim bildirdi.
"Shyn máninde, eki el arasynda diplomatiialyq qarym-qatynas ornaǵanyna 30 jyldan asty. Qazaqstan Prezidentiniń Mońǵoliiaǵa memlekettik sapary sońǵy ret osydan 16 jyl buryn bolǵan edi. Elimiz Sizdiń búgingi saparyńyzdy ekijaqty yntymaqtastyqtyń taiaý jyldardaǵy perspektivti baǵyttaryn aiqyndaityn mezet retinde qarastyrady. Bul sapar eki eldiń qarym-qatynasyn strategiialyq seriktestik deńgeige shyǵarý turǵysynan óte mańyzdy", – dedi Mońǵoliia Prezidenti.
Mazmundy áńgimelesý barysynda memleketter basshylary saiasi, saýda-ekonomikalyq jáne investitsiialyq bailanystardy damytý perspektivasyna airyqsha mán berdi. Sondai-aq aýyl sharýashylyǵy, taý-ken jáne metallýrgiia kesheni, energetika, kólik-logistika, qarjy salalaryndaǵy qarym-qatynas máseleleri talqylandy.
Memleket basshysy Qasym-Jomart Toqaev birlesken jobalar men qol qoiylǵan qujattardy sapaly júzege asyrýdyń máni zor ekenin atap ótti.
Prezidentter halyqaralyq jáne óńirlik kún tártibindegi ózekti máseleler, sonyń ishinde kópjaqty qurylymdar aiasyndaǵy yqpaldastyq jóninde pikir almasty.
Kezdesý sońynda Mońǵoliia Prezidenti Memleket basshysyna 60 myńnan astam sóz engen qazaq-mońǵol sózdigin syiǵa tartty.
