Qazaqstanda mobildi internet tarifteriniń qymbattaýy qoǵamda jańa narazylyq tolqynyn týǵyzdy. Bul joly máseleni ashyq túrde kótergen — azamat Ýsman Asanov, dep habarlaidy Dalanews.kz.
Ol GosRating.com platformasynda uialy internet baǵasyn tómendetý jáne bailanys naryǵyna memlekettik baǵa retteýin engizý týraly petitsiia bastady. Onyń aitýynsha, qoljetimdi internet – bul jai ǵana qyzmet emes, azamattardyń bazalyq quqyǵy.
Bul bastama – sońǵy jyldary qazaqstandyqtar arasynda kúsheiip kele jatqan tsifrlyq teńsizdikke qarsy narazylyqtyń bir kórinisi.
Qazaqstanda mobildi internet formaldy túrde «básekeli naryq» dep sanalady. Biraq is júzinde naryq úsh iri operatordyń qolynda. Tarifter jyl saiyn ósip otyr, al sapa men qamtý aitarlyqtai jaqsarmaidy. Ásirese óńirlerde internet jyldamdyǵy tómen, al baǵasy iri qalalarmen birdei.
