"Mlrd teńge shyǵyn keltirgen". Sot úkimin estigen eks-shendi ornynan tura almai qaldy
Kenjebek Janbosynov Shymkenttegi qarjy basqarmasyna tórt jyl buryn basshy bolyp kelgen. Jyly orynǵa otyrǵan 10 kúnnen soń qaladaǵy áleýmettik kásipkerlik korporatsiiasynyń direktor alqysy bolǵan. Alaida keiingi mindetinde esepten jańylyp, memleketke 1 mlrd teńge ziian keltirgen.
"Shymkent qalasynyń jastaryna arnap salynǵan toǵyzqabatty úidiń páteriniń baǵasynyń negizsiz ósýin bile tura, tiisti jumystar júrgizbegen", - deidi Qarataý aýdandyq sotynyń sýdiasy Alpysbai Nálibaev.
Qos qyzmetti qatar ustaǵan sheneýniktiń ústinen qylmystyq is eki jyl buryn qozǵalǵan. Shymkenttiń burynǵy bas qarjygerine sottyń úkimi 5 mamyr kúni shyqqan. 3 jylǵa bas bostandyǵynan aiyrylǵanyn estigen sheneýnik sot otyrysynda emotsiiasyn ustai almady.
Al sottalýshynyń advokattary sot úkimimen kelispeitinderin birden aitqan.
https://www.youtube.com/watch?v=cjvjYbr_0X8
"Bul is boiynsha prokýror úsh ret aýysty. Tergeý barysynda qandai ispen aiyptalatynyn eshkim ashyp aita almady. Qosymsha dálelder usyna almady", - deidi zańger Sáken Qasymbekov.
Sottyń úkimi áli zańdy kúshine engen joq. Eks-sheneýniktiń qorǵaýshylary appeliatsiialyq shaǵym túsiremiz dep otyr. Al sotty bolǵan Kenjebek Janbosynov jazasyn Shymkenttegi orta dárejedegi túrmede óteidi.
