Týrizm jáne sport ministri Erbol Myrzabosynov «Qyzyljar» fýtbol klýbyndaǵy janjal men bas bapker Áli Álievtiń 10 million teńgelik jalaqysy týraly ne oilaitynyn aitty, dep habarlaidy Dalanews.kz.
Jaýap qysqa boldy:
«Federatsiia bapker Alievtiń áreketi zańdy dep esepteidi. Eńbek inspektsiiasy kelisimshartty zańdy dep tanydy, Aliev kassatsiialyq shaǵym túsirip jatyr. Qazirshe biz osylai ǵana jaýap bere alamyz. Ázirge naqty ustanymymyz joq».
Baspasóz máslihatynan keiin ministr mynadai pikir qosty:
«Eńbekaqy qoryn klýbtyń ózi belgileidi, biraq bul jaǵdaida quqyq qorǵaý organdary men jergilikti ákimdik tekseris júrgizip jatyr. Qazaqstan fýtbol federatsiiasymen birlesken tekserýden keiin tolyq aqparat beremiz».
Myrzabosynovtyń aitýynsha, jańa zańnamada mundai kólemdegi jalaqylar (Áli Álievtiki siiaqty) qarastyrylmaǵan.
«Buryn fýtbolshylar ártúrli somada jalaqy alsa, endi zań boiynsha biýdjetten bólinetin qarajat eki million teńgeden aspaýy tiis. Qalǵan qarajatty klýbtar jeke kózderden tabýy kerek».
Sot protsesi basshylyq aýysqannan keiin bastaldy. Áli Áliev 2023 jyldyń 1 maýsymynan bastap bas bapker qyzmetin atqarǵan.
Alǵashynda oǵan 6,5 million teńgege kelisimshart usynylǵan. Alty aidan keiin jańa kelisim jasalyp, jalaqysy 10 million teńgege deiin ósken.
