Densaýlyq saqtaý ministrligi plastikalyq ota jasaityn klinikalarǵa tekserý júrgizedi, dep habarlaidy dalanews.kz.
Densaýlyq saqtaý ministrligi meditsinalyq uiymdardyń qyzmetine memlekettik baqylaýdy kúsheitý maqsatynda Qazaqstan Respýblikasy Bas prokýratýrasymen kelisip, plastikalyq hirýrgiia qyzmetin kórsetetin meditsinalyq uiymdarǵa qosymsha jospardan tys tekserýler júrgizýdi josparlap otyr.
Keshendi tekserý barysynda zań buzýshylyqtar anyqtalǵan jaǵdaida, Qazaqstan Respýblikasynyń zańnamasyna sáikes tiisti sharalar qabyldanady.
Densaýlyq saqtaý ministrliginiń Meditsinalyq jáne farmatsevtikalyq baqylaý komitetiniń aýmaqtyq departamentteri plastikalyq hirýrgiia salasynda qyzmet kórsetetin meditsinalyq uiymdarǵa 2021 jyldan búgingi kúnge deiin 92 jospardan tys tekserý júrgizdi. Plastikalyq hirýrgiia salasynda kórsetiletin meditsinalyq kómektiń sapasy men qaýipsizdigine qatysty azamattardyń shaǵymdary men ótinishteriniń kóbeiýine bailanysty Tekserýlerdiń basym bóligi 2024 jyly boldy.
Tekserý nátijesinde litsenziialyq talaptardyń, meditsinalyq kómekti uiymdastyrý standarttarynyń jáne meditsinalyq qujattamany júrgizý qaǵidalarynyń buzylǵany anyqtaldy. Sondai-aq keibir meditsinalyq uiymdardyń tiisti ruqsat qujattarynsyz qyzmet kórsetkeni belgili boldy.
Anyqtalǵan zań buzýshylyqtardy joiý úshin Komitettiń aýmaqtyq departamentteri mindetti túrde oryndalýǵa tiis nusqamalar berdi. Budan bólek, ákimshilik quqyq buzýshylyqtar boiynsha 24 hattama toltyrylyp, jalpy somasy 4,8 mln teńge kóleminde ákimshilik aiyppul salyndy.
Baqylaý sharalary aiasynda Komitettiń aýmaqtyq departamentteri plastikalyq operatsiialardyń sońy adam ólimine ákelgen jekelegen jaǵdailar boiynsha da jospardan tys tekserýler júrgizdi. Mundai oqiǵalardyń eń kóbi Almaty jáne Astana qalalarynda, sondai-aq Mańǵystaý oblysynda tirkeldi. Tekserý qorytyndysy boiynsha materialdar zańnamaǵa sáikes tiisti protsestik sheshim qabyldaý úshin quqyq qorǵaý organdaryna joldandy.
Qazaqstan Respýblikasy Densaýlyq saqtaý ministrliginiń Meditsinalyq jáne farmatsevtikalyq baqylaý komiteti meditsinalyq kómektiń sapasy men qaýipsizdigin qamtamasyz etý, onyń zań talaptaryna sai kórsetilýin baqylaý jáne patsientterdiń quqyqtaryn qorǵaý baǵytyndaǵy memlekettik baqylaý jumystaryn jalǵastyrady.
