Myńdaǵan qazaqstandyq 1,3 mlrd teńge jalaqysyn ala almaı kelgen, - dep habarlaıdy Dalanews.kz.
1 tamyzdaǵy jaǵdaı boıynsha memlekettik eńbek ınspektorlary respýblıkanyń 239 kásiporny 3,5 myńnan asa jumyskerge 1,3 mlrd teńgege jalaqy boıynsha bereshek ekenin anyqtady. Sonymen qatar, túrli uıymdarda júrgizilgen tekseris barysynda eńbek quqyǵy buzylýynyń 4 myńnan asa faktisi anyqtaldy.
Jalaqy boıynsha bereshegi jáne eńbek quqyǵynyń buzylýy anyqtalǵan kásiporyndardyń basshylaryna oryndaýǵa mindetti 2 287 uıǵarym berildi jáne 277 mln teńgeden asa somaǵa aıyppul salyndy.
3,4 myńnan asa adamnyń quqyǵy qorǵalǵan. Olarǵa 1,1 mlrd teńge tólendi.
2025 jylǵy 1 tamyzdaǵy derekter boıynsha memlekettik eńbek ınspektorlary 3 514 tekseris júrgizdi, onyń barysynda 4 132 zańbuzýshylyq anyqtaldy, onyń ishinde eńbek salasynda – 3 465; eńbek qaýipsizdigi jáne eńbekti qorǵaý boıynsha – 648; halyqty jumyspen qamtý boıynsha – 19.
