Qazaqstanda meditsinalyq uiymdardy qarjylandyrý júiesine júrgizilgen tekseris barysynda eleýli zańbuzýshylyqtar áshkerelendi. Bul týraly qarjy ministri Mádi Takiev málimdedi, dep habarlaidy Dalanews.kz.
Qarjy ministrliginiń málimetinshe, naýqastardyń jynysyna sáikes kelmeitin meditsinalyq skriningter júrgizilgen. Mundai zańbuzýshylyqtardyń jalpy somasy 1,8 mlrd teńgege jetken.
Sondai-aq, tekseris kezinde jekemenshik klinikalardyń birinde dáriger bir kúnde 1 442 naýqasty qabyldaǵany kórsetilgen. Al bir táýliktegi ortasha norma 24 adamnan aspaýǵa tiis.
Budan bólek, tekseris nátijesinde qaitys bolǵany tirkelgen adamdarǵa meditsinalyq qyzmet kórsetilgen 3,6 myńnan asa derek anyqtalǵan.
Jariialanǵan videoda qarjy ministri keibir meditsinalyq uiymdar biýdjetten tólem kólemin arttyrý úshin qaitys bolǵan azamattarǵa "em júrgizgenin" rásimdep, balalarǵa bir kúnde júzdegen, tipti myńdaǵan dári-dármek taǵaiyndaǵanyn atap ótti.
Premer-ministr Oljas Bektenov tekseris materialdaryn quqyq qorǵaý organdaryna joldaýdy tapsyrdy. Sonymen qatar, Áleýmettik meditsinalyq saqtandyrý qoryn salalyq vedomstvolardyń qaraýynan shyǵaryp, Qarjy ministrliginiń quzyryna berý jóninde tapsyrma berildi.
