Áleýmettik jelilerde myń teńgeniń jańa dızaıny kópshilikke unamaı qaldy, dep habarlaıdy Dalanews.kz.
Jeli qoldanýshylary Threads-ta vıdeo, sýret jarıalady. Kadrlarda jańa 1000 teńgelik banknottar beınelengen.
Jeli qoldanýshylary "3-5 jyl saıyn dızaındy nege ózgerte beredi?", "Sırktiń bıleti sıaqty", "Nege únemi dızaındy aýystyra beredi? Buǵan ne áser etedi?" - dedi.
Ulttyq bank jaǵdaıǵa pikir bildirdi.
1000 teńgelik mereıtoılyq banknota 2025 jylǵy 9 mamyrda aınalymǵa shyǵarylǵan. Onyń taralymy – 5 mıllıon dana.
Ulttyq banktiń málimetinshe, banknota dızaıny Jeńis kúnine arnalǵan.
"Otandastarymyzdyń erligi men batyrlyǵyn eske alý belgisi retinde bank osy mereıtoılyq banknotany aınalymǵa shyǵardy. Al tústerine kelsek, 1000 teńgelik banknotalardaǵydaı tús saqtalǵan", – dedi bank ókilderi.
