Meirambek: «Úkimetke emes, halyqqa qyzmet etip júrgen ánshimin»
* * *
Bala kúnimde «juldyzdyq aýrýymen» aýyrdym-aý deimin. Ótken kúnderde balalyq ta, shalalyq ta boldy. Al qazir «juldyz» bolý, erkelik kórsetý degen qasietterden aýlaqpyn.
* * *
Keibir jýrnalisterge ókpem bar, árine. Óitkeni aitqan nárseńdi burmalaidy.
Ómirdiń ár belesinen ótip, biikke kóterilý bir basqa da, sol biikte turaqtap qalý – bir basqa. Ekinshisiniń salmaǵy aýyrlaý…
* * *
Kishkentaiymnan ár túrli óner ielerimen aralastym, el kórdim, jer kórdim. Bir sózben aitqanda, balalyq shaǵyma aitar shaǵymym joq, óte qyzyqty ótti.
Basymyzdan shýaqty da, qiyn-qystaý kúnder de ótti. Halyq bárinen habardar. Biz aýyrsaq, birge aýyrdy…
* * *
Men qaladamyn, áke-sheshem Almatynyń irgesindegi «Jańa turmys» degen aýylda turady. Sebebi, men is-saparda jii bolamyn. Bala kezimnen bólek turyp, óz betimshe ómir súrýge úirengenmin. 1989 jyly Almatyǵa birjolata kóship keldim desem de bolady.
* * *
Boldym-toldym dep masattanýdan aýlaqpyz, qazaq estradasynyń ardageri «Dos-muqasan» áli de qazaqty ásem ánderimen tamsandyryp, 45 jyldyǵyn toilap jatsa, «Taraz» triosy da sahnanyń tórinen án shyrqap jatsa, Altynbek Qorazbaev dombyrasyn kúmbirletip, qońyr daýsyman án terbep tursa, bizdiń demalýǵa haqymyz joq.
* * *
Óner – meni jastaiymnan qaiyspaýǵa, muqalmaýǵa úiretti.
* * *
Sanatoriige jatqanda mindetti túrde telefon, internetti óshirem de, ádebi kitap oqimyn.
* * *
Kei kezderi halqymyz bizdi maqtaǵanda da asyra siltep jatady, muny biz olardyń mahabbaty dep bilemiz. Halyqtyń mahabbatyna bólengen biz baqytty ánshilermiz.
* * *
Kúnde siz ben biz estip júrgen, elinde baiyp alyp, ómir súrý úshin shetelge taiyp turatyn azamattar barda, eljandylyq joq.
* * *
Aqyn dostarym bar, olarmen birge júrip, ózińnen-óziń aqyn bolyp ketesiń keide… Az-maz jazyp kórdim, biraq báribir aqyn bolý úshin Qudaidan berilgen talant bolý kerek. Meniki – áýesqoilyq.
* * *
Qarapaiym halyq múddesin oilap jatqan eshkim joq. Bilik basyndaǵylardyń basym kópshiligi qazaq tilin bilmeidi. Óz tilin bilmegenderden ne úmit, ne qaiyr bolady?
* * *
Depýtat bolmai-aq, kez kelgen qarapaiym adam ulty úshin jany ashýy tiis. Patriot bolý úshin depýtat bolýdyń qajeti joq.
* * *
Ómir boiy án aityp júremin dep oilamaimyn. Keler kúnniń ne ázirlep turǵany bir Qudaiǵa ǵana aian. Sondyqtan, jas kele estafeta taiaqshasyn jas ánshilerge ustatatyn bolarmyz.
* * *
Ázirge án aitýǵa qabiletim jetip turǵanda, kóp nárseni halyqqa ánmen ǵana jetkizgim keledi.
* * *
Tanymal bolýdy maqsat tutyp, ne bolsa sonymen ainalysý – las tirlik.
Qyzyma «Kimniń qyzysyń?» deseń, «Ákemniń qyzymyn» deidi. «Ákeńniń qandai qyzysyń?» deseń, «Eń tátti qyzymyn» deidi.
* * *
Qazirgi qazaq estradasynda menen de myqty jaqsy ánshiler bar dep oilaimyn.
Láj bolsa, tek jaqsy jaǵymnan tanylǵym keledi. Óitkeni, men de ata-ananyń ulymyn, qaryndastyń aǵasymyn, balanyń ákesimin…
Derekkózi: el.kz
