Kandıdat alǵashynda óziniń saılaýaldy baǵdarlamasyn tanystyrdy. Artynan qatysýshylar áleýmettik saladaǵy máselelerdi sheshý josparlaryna qyzyǵýshylyq tanytyp, ózderin qyzyqtyrǵan suraqtaryn qoıdy.
Meıram Zekeshuly bolashaq mamandardy turǵyn úımen qamtyp, jumysqa ornalasý múmkindigi jaıynda da sóz boldy.
«Meniń baǵdarlamamda jastarǵa erekshe kóńil bólingen. Óıtkeni olar – elimizdiń bolashaǵy. Jastarǵa barlyq joldy ashyp, ózin-ózi damytýǵa, úı satyp alýǵa, kásibı karerasyn qurýǵa barlyq múmkindikti jasaýymyz qajet.
Óıtkeni adam áleýmettik máseleleri qanshalyqty az bolsa, soǵurlym ol jumys pen óz kásibıligin arttyrýǵa kóbirek kóńil bóledi.
Al bul jalpy el ekonomıkasyna áser etedi», – dedi ol.
Kezdesý sońynda Meıram Qajyken Aqtóbede saılaýshylardyń suraqtary men tilekterin qabyldaıtyn shtab jumys isteıtinin aıtty.
