Energetika ministri Almasadam Sátqaliev Atom elektr stantsiiasy týraly pikirin jariialaǵan BAQ ókilderinen keshirim talap etti, dep habarlaidy Dalanews.kz.
Aita keteiik, buǵan deiin Qazaqstannyń Resei Federatsiiasyndaǵy Tótenshe jáne ókiletti elshisi Dáýren Abaev Atam elektr stantsiiasyn salýǵa qatysty referendým biyl jyl sońynda ótýi múmkin degen edi.
Azattyq Ruhy tilshisi búgin úkimet kýlýarynda Energetika ministri Sátqalievten osy málimdemege qatysty qosymsha aqparat surady. Biraq, Sátqaliev bul málimdemege qatysty derek joq ekenin aitty. Esesine, atom elektr stantsiiasyn salý týraly aitqan sózderin jazǵan jýrnalisterden keshirim talap etti.
"Buqaralyq aqparat quraldarynda "Sátqaliev referendým ótkizýge negiz joq dep aitty" degen materialdar shyqty. Meniń oiymsha, bul basylym menen resmi túrde keshirim suraýy tiis. Óitkeni, men "zańǵa sáikes, qajettiligi joq dep sanaimyn" degenmin.
Biraq halyqtyń málimdemesine, memleket basshysynyń tikelei tapsyrmasyna sáikes saiasi sheshim qabyldanǵan soń, biz referendýmmen ainalysamyz. Sondyqtan, meniń oiymsha, jýrnal redaktsiiasy men jýrnaldyń menshik iesi menen keshirim suraýy tiis", - deidi Sátqaliev.
