Eks-ministr, Ulttyq mýzeidiń burynǵy direktory Arystanbek Muhamediuly jaryssóz kezinde sóz sóiledi. Ol kinásiz ekenine senimdi, - dep habarlaidy Dalanews.kz nur.kz-ke siltep.
"Ómirde árkimniń óz kredosy bar. Meniń kredom: ata-anama, ustazdaryma, armandarymdy júzege asyrýǵa kómekteskenderge, bala men baqyt syilaǵan áielime alǵys aitý. Sondai-aq "Diplomat" qonaqúiine qatysty taǵylǵan aiyptardyń kúshinde ekenin aitqan prokýrorǵa alǵys aitqym keledi. "Diplomat" qonaqúii - qazirgi ýaqytta meniń ainalamda bolyp jatqan barlyq oqiǵanyń negizgi faktory.
Belgili zańgermen kelisimge kelgenimde, ol birden Antikorǵa baryp, "Diplomat" qonaqúiinde bul masqarany – reiderlik áreketterdi toqtatatynyn aitty. "Men odan istiń sotqa deiin barýyn suradym", - dedi sottalýshy.
Sottalýshy onyń "Diplomatqa" qatysy bolýynyń basty sebebi - halyqaralyq qonaqúi biznesi ýniversitetin ashý jospary ekenin málimdedi. Muhamediuly qonaqúide alǵashqy oqý orny – kolledj ashqanyn, sondai-aq, Almatyda Niý-Iork kinoakademiiasynyń filialyn ashýdy kózdegenin aitty.
Ol kelisimderge qol qoiylyp, oqytý baǵdarlamalary daiyndalǵanyna sendirdi, biraq "shaitan joldy qara mysyqtai kesip ótkenin" aitty.
"Biraz ýaqyttan keiin bul josparlarymdy júzege asyra alatynyma senimdimin. Maqsat – armannyń oryndalýy. Siz óz úkimińizben menen birneshe jyldyq erkindigimdi ala alasyz, biraq meniń armanymdy eshkim tartyp ala almaidy. Maqsatym – "Diplomat" qonaqúiine qatysty maǵan taǵylǵan aiyptardyń bári oidan shyǵarylǵan oqiǵa ekenin dáleldeý", - dedi ol.
Sondai-aq, eks-shendi is boiynsha "Altyn adamnyń álem mýzeilerine sherýi", kino toptamasyn tsifrlandyrý jáne taǵy basqa epizodtarǵa qatysty derek joǵyn jetkizdi. Ol jaryssózde sot tergeýin qaita bastaý týraly ótinishin jetkizdi.
Muhamediuly bul is boiynsha jábirlenýshi eki "kinásiz adamdy" túrmege qamap, "seriktesteriniń biznesin tartyp alǵanyn" aitty. Sottalýshy jábirlenýshiniń basty nieti qonaqúidiń jumys isteýine jol bermeý dep otyr.
Onyń aitýynsha, Muhamediulynyń ózi jáne onyń otbasy qonaqúidiń qyzmetin jaqsartýǵa 115 million teńge investitsiialaǵan, sondai-aq, Túrkiiadan kelgen úsh basqarýshynyń ushyp-kelý jáne Qazaqstanda turý aqysyn tólegen. Sonymen qatar, Muhamediuly "Antikordyń" burynǵy tergeýshisi "qonaqúiden bas tartýy úshin" ony "qorqytqanyn" aitty.
Ol bul is "Altyn adamnyń álem mýzeilerine sherýi" jáne kino toptamasyn tsifrlandyrý isimen biriktirilgenine ashýlanyp, Qazaqstan tarihynda "ózine qarsy 8 ekonomikalyq is qozǵalǵan tulǵa" retinde qalatynyn málimdedi.
