Taldyqorǵanda Jetisý oblysynyń qylmystyq ister jónindegi mamandandyrylǵan aýdanaralyq sotynda Sherzat isinde kýáger dep tanylǵan Elmıra Nurbekova buǵan deıin aıtqan sózin joqqa shyǵardy, dep habarlaıdy Dalanews.kz.
Nurbekova sotta jáne tergeý kezinde Abzal Shynasyldyń qolynda pyshaq bolǵanyn jáne Sherzattyń arqasyna soqqy jasaǵanyn óz kózimen kórgenin aıtqan edi. Alaıda sot barysynda ol bul málimdemesine qarsy pikir bildirip, aıyptalýshynyń qolynan pyshaq kórmegenin jetkizdi.
Sondaı-aq memlekettik aıyptaýshy Nurbekovadan oqıǵa oryn alǵannan keıin zań ókilderine ne sebepti habarlamaǵanyn surady. Kýáger bul suraqqa bylaı dep jaýap berdi:
“Men sol sátte qoryqtym. Danamen Talǵarǵa jetken soń, polısıaǵa baryp, barlyǵyn aıtyp beremiz dep oıladym”, — dedi ol.
Eske sala keteıik, 10 sáýirde Taldyqorǵanda Sherzat Polattyń ólimine qatysty sot prosesi bastaldy.
Sotta prokýror kúdiktilerdiń esimderin atady:
Shynasyl Abzal Nurǵalıuly
Sakıev Ravıl Magomedovıch
Belǵojaev Shyńǵys Aıdosuly
Azkentaı Darhan Baıylhanuly
Toqtaýbaev Nurbol Muratbekuly
İlıasov Nurqıas Tólekbekuly
Toqtaýbaev Azamat Maratbekuly
Qalıahmet Dıdar Erkinuly
Ysqaq Dýman Qaıdaruly
