Men ǵashyqpyn
Men ǵashyqpyn, shyn ǵashyqpyn ózińe,
Týyndaıdy jyly sezim ózimde.
Sezimmenen oıym bir dem izdeımin,
Bul syrymdy aıta almaspyn eshkimge.
Jyly sezim ot bop jandy jalyndap,
Qaıdan tabam oryn sózdi oı tolǵap?
Júregimniń dúrsildegen lebizin,
Bir baqyttyń belesi dep bilemin.
Men ǵashyqpyn, mahabbatty endi uqtym,
Syr men ystyq sezim demin sezbeppin.
Óne boıy jol izdegen tulpardaı,
Aldymdaǵy óshpes beles dep kelemin.
Qatelikten kóz almadym, qaraımyn,
Artqa qarap oılanyp bir qalamyn.
Júregimniń dúrsildegen sezimin,
Bir ózińe, tek ózińe arnaımyn!
Aralym
Tartyldy kólim oıda qaldyń Aralym,
Taraıdy qanym júrekte qaıǵy men muń.
Aqqý qaıda kólińde qalyqtaǵan?
Qur tartylǵan oryn qaldy artyńnan.
Tabıǵattyń jiger kúshi sonshalyq,
Kúıdiredi qarmap ótip shyrmatyp.
Uly qazaq dalasynda ne bolmady,
Sumdyq áser janǵa batyp barady.
Keremettiń biri ediń Aralym,
Ózińe bitken tylsym kúshten jaraldyń.
Tómen aǵyp tartylyp jer jutylyp,
Tabıǵattyń aıasynan aıyryldyń.
Aral ólke qur qańyrap bos qaldy,
Tarıh beti biledi ony, jattandy.
Jadymyzda Aral degen kól bar dep,
Eshqashan da umytpaıyq biz ony!
Anam meniń
Anam meniń sensiń meni aıalaǵan, qorǵaǵan
Ystyqtan da, sýyqtan da qanatyńa panalatqan.
Joldan taımaı ósirdiń mine seniń óz úlgiń,
Rahmet aıtyp saǵan sálem beremin.
Anam meniń sensiń maǵan kúsh bergen,
Árqashanda júregińmen eljirete terbetken.
Saǵynyshta syryldata ómirime syr berip,
Alys júrsem qarlyǵashtaı ushyp kelip kúı shertken.
Anam meniń sensiń maǵan ardaqty
Tek ózińsiń ómirime jan jaqty.
Erte kezde men úshin sen kóz ilmeı,
Jetkizgensiń osy kúnge sen anam.
Anam meniń ómirimniń tańy sen.
Qol jetpeıtin bıikterdin shyńy sen.
Juldyz aqsyn aspandatyp tek saǵan,
Sol shýaqpen tarata ber nur maǵan.
Anam meniń qasymda sen júre ber,
Sonyńmenen qýat alyp júrem men.
Kúlkińnen de, júzińnen de qýanyshta bolamyn
Nur bop jaýǵan sezimderdi osylaısha tolǵaımyn!
Qyz syny
Qazaq qyzy atyna saı ınabatty,
Júrgen júris-turysy ári salmaqty.
Kózin ashqan kúninen sálem berip ıilgen,
Bilemisin qazaq qyzyn al káne?
Uzyn shashty, buralǵan názik beldi,
Syldyrlaǵan sholpysy asqan beldi.
Kishi peıil úlkenderge ıilgish,
Bolý kerek osyndaı qazaq qyzy.
Súıgen janyn júregine qarmap alǵan,
Kúlimdegen kózimen aıalaǵan,
Tátti baldaı sózimen ýlandyryp,
Júregine súıgenin baǵyndyrǵan.
Otyrǵyzdy kórpe tósep, qazaq qyzyn tórine,
Qazaq qyzyn qonaqsyn dep aıalady kúninde.
Salt sanasy umytylmaı óshpegendeı,
Jetti mine bizge de mıras qalǵan.
Dınara BATYROVA, aqyn.
