«Jyl basynan beri agenttiktiń aýmaqtyq departamentterindegi 85 bos laýazymǵa ornalasýǵa úshin 510 ótinim berilgen. Orta eseppen, bir laýazymǵa 6 úmitkerden keledi. Al,ótken jyldaǵy barlyq úmitkerlerdiń ortasha sanybir orynǵa 2 úmitkerden keletin: 446 bos orynǵa – 804 ótinish» – dep habarlady Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Tóraǵasy Alık Shpekbaev Facebook paraqshasynda.
Agenttik basshysynyń paıymdaýynsha, bul jaǵdaıda faktorlyq-balldyq shkala aıasynda atqarýshy býynnyń jalaqysyn eki ese arttyrý mańyzdy ról oınaıdy.
Ońtústik Qazaqstan oblysynda bul kórsetkish ótken jylmen salystyrǵanda 3 esege artty. 7 bos orynǵa ornalasý úshin 138 úmitker ótinish bildirgen, orta eseppen, bir orynǵa 19 úmitkerden keledi.
Ult josparynyń 5 jáne 6 qadamyn iske asyrý sheńberinde, jańa júıe pılottyq rejımde 2018 jyldyń qańtar aıynan bastap Astana qalasy ákimdiginde, Mańǵystaý oblysy ákimdiginde, Ádilet Mınıstrliginde jáne Memlekettik qyzmet isteri jáne sybaılas jemqorlyqqa qarsy is-qımyl agenttiginde iske asyrylýda.
Jańa júıeniń basty ereksheligi qyzmetshige júktelgen mindetter men onyń nátıjeliliginiń eskerilýinde.
Memlekettik qyzmetshiniń eńbekaqysy eki bólikten quralady: faktorlyq-balldyq shkala negizindegi kepildi laýazymdyq jalaqy jáne bonýstyq tólemder.
Faktorlyq-balldyq shkala memlekettik qurylymdardyń tartymdylyǵy men ımıjin arttyryp qana qoımaı, eńbekaqy ádildigin qamtamasyz etedi jáne aımaqtar men ortalyqtaǵy memlekettik qyzmetshiler eńbekaqysynyń teńgerimsizdigin joıady.
Faktorlyq-balldyq shkala engizýdiń basty maqsaty – eńbekaqy tóleýde teńgerýshilik tásilden bas tartý jáne qyzmetkerlerdi materıaldy túrde yntalandyrýdyń tıimdi tetigin qalyptastyrý bolyp tabylady.
– Bizdiń kompanıa úshin faktorlyq-balldyq shkala – josparlaý, baqylaý jáne qyzmetkerlerdi yntalandyrý fýnksıalaryn biriktiretin basqarý quraldarynyń eń tıimidileriniń biri bolyp tabylady. Bastapqyda bul júıeni qolaısyz dep tanyǵan qyzmetkerler qazirgi tańda júıeniń artyqshylyqtaryn sezinip, ózderiniń eńbekaqylaryna rıza, – dep habarlaıdy kompanıada faktorlyq-balldyq shkalany eki jyl buryn engizgen «Karlskrona LC AB» JSHS-niń Bas dırektory.
FBSH qyzmetkerler arasynda mekeme maqsattaryna qol jetkizýde jaýapkershilikti bólýge jáne personaldyń qyzmetke belsene qatysýyna yqpal etedi.
«Jańa júıe qyzmetkerlerdiń birinshi basshymen qarym-qatynas ornatýyn emes, kompanıa aldynda turǵan naqty maqsattarǵa qol jetkizýde birigýine septigin tıgizdi.Bizdiń kompanıaǵa naǵyz kerek júıe osy bolatyn. Júıe óte tıimdi jáne kóptegen otandyq kompanıalarmen qoldanylady», – dep habarlaıdy «Karlskrona LC AB» JSHS-niń Bas dırektory.
Memlekettik organdarda jańa júıe saýatty túrde engizilgen jaǵdaıda, ol merıtokratıa júıesin odan ári damytýǵa, memlekettik organdardaǵy qyzmet ahýalyn jaqsartýǵa jáne bilikti mamandardyń kelýine yqpal etedi.
Pılottyq joba aıaqtalǵannan keıin respýblıka aýmaǵynda ony engizý merzimderi boıynsha sheshim qabyldanatyn bolady.
QR Memlekettik qyzmet isteri jáne sybaılas jemqorlyqqa
qarsy is-qımyl agenttiginiń Ońtústik Qazaqstan oblysy boıynsha departamenti7
