«جىل باسىنان بەرى اگەنتتىكتىڭ اۋماقتىق دەپارتامەنتتەرىندەگى 85 بوس لاۋازىمعا ورنالاسۋعا ءۇشىن 510 ءوتىنىم بەرىلگەن. ورتا ەسەپپەن، ءبىر لاۋازىمعا 6 ۇمىتكەردەن كەلەدى. ال،وتكەن جىلداعى بارلىق ۇمىتكەرلەردىڭ ورتاشا ءسانىبىر ورىنعا 2 ۇمىتكەردەن كەلەتىن: 446 بوس ورىنعا – 804 ءوتىنىش» – دەپ حابارلادى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ Facebook پاراقشاسىندا.
اگەنتتىك باسشىسىنىڭ پايىمداۋىنشا، بۇل جاعدايدا فاكتورلىق-باللدىق شكالا اياسىندا اتقارۋشى بۋىننىڭ جالاقىسىن ەكى ەسە ارتتىرۋ ماڭىزدى ءرول وينايدى.
وڭتۇستىك قازاقستان وبلىسىندا بۇل كورسەتكىش وتكەن جىلمەن سالىستىرعاندا 3 ەسەگە ارتتى. 7 بوس ورىنعا ورنالاسۋ ءۇشىن 138 ۇمىتكەر ءوتىنىش بىلدىرگەن، ورتا ەسەپپەن، ءبىر ورىنعا 19 ۇمىتكەردەن كەلەدى.
ۇلت جوسپارىنىڭ 5 جانە 6 قادامىن ىسكە اسىرۋ شەڭبەرىندە، جاڭا جۇيە پيلوتتىق رەجيمدە 2018 جىلدىڭ قاڭتار ايىنان باستاپ استانا قالاسى اكىمدىگىندە، ماڭعىستاۋ وبلىسى اكىمدىگىندە، ادىلەت مينيسترلىگىندە جانە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە ىسكە اسىرىلۋدا.
جاڭا جۇيەنىڭ باستى ەرەكشەلىگى قىزمەتشىگە جۇكتەلگەن مىندەتتەر مەن ونىڭ ناتيجەلىلىگىنىڭ ەسكەرىلۋىندە.
مەملەكەتتىك قىزمەتشىنىڭ ەڭبەكاقىسى ەكى بولىكتەن قۇرالادى: فاكتورلىق-باللدىق شكالا نەگىزىندەگى كەپىلدى لاۋازىمدىق جالاقى جانە بونۋستىق تولەمدەر.
فاكتورلىق-باللدىق شكالا مەملەكەتتىك قۇرىلىمداردىڭ تارتىمدىلىعى مەن ءيميدجىن ارتتىرىپ قانا قويماي، ەڭبەكاقى ادىلدىگىن قامتاماسىز ەتەدى جانە ايماقتار مەن ورتالىقتاعى مەملەكەتتىك قىزمەتشىلەر ەڭبەكاقىسىنىڭ تەڭگەرىمسىزدىگىن جويادى.
فاكتورلىق-باللدىق شكالا ەنگىزۋدىڭ باستى ماقساتى – ەڭبەكاقى تولەۋدە تەڭگەرۋشىلىك تاسىلدەن باس تارتۋ جانە قىزمەتكەرلەردى ماتەريالدى تۇردە ىنتالاندىرۋدىڭ ءتيىمدى تەتىگىن قالىپتاستىرۋ بولىپ تابىلادى.
– ءبىزدىڭ كومپانيا ءۇشىن فاكتورلىق-باللدىق شكالا – جوسپارلاۋ، باقىلاۋ جانە قىزمەتكەرلەردى ىنتالاندىرۋ فۋنكسيالارىن بىرىكتىرەتىن باسقارۋ قۇرالدارىنىڭ ەڭ تيىمىدىلەرىنىڭ ءبىرى بولىپ تابىلادى. باستاپقىدا بۇل جۇيەنى قولايسىز دەپ تانىعان قىزمەتكەرلەر قازىرگى تاڭدا جۇيەنىڭ ارتىقشىلىقتارىن سەزىنىپ، وزدەرىنىڭ ەڭبەكاقىلارىنا ريزا، – دەپ حابارلايدى كومپانيادا فاكتورلىق-باللدىق شكالانى ەكى جىل بۇرىن ەنگىزگەن «Karlskrona LC AB» ءجشس-نىڭ باس ديرەكتورى.
فبش قىزمەتكەرلەر اراسىندا مەكەمە ماقساتتارىنا قول جەتكىزۋدە جاۋاپكەرشىلىكتى بولۋگە جانە پەرسونالدىڭ قىزمەتكە بەلسەنە قاتىسۋىنا ىقپال ەتەدى.
«جاڭا جۇيە قىزمەتكەرلەردىڭ ءبىرىنشى باسشىمەن قارىم-قاتىناس ورناتۋىن ەمەس، كومپانيا الدىندا تۇرعان ناقتى ماقساتتارعا قول جەتكىزۋدە بىرىگۋىنە سەپتىگىن تيگىزدى.ءبىزدىڭ كومپانياعا ناعىز كەرەك جۇيە وسى بولاتىن. جۇيە وتە ءتيىمدى جانە كوپتەگەن وتاندىق كومپانيالارمەن قولدانىلادى»، – دەپ حابارلايدى «Karlskrona LC AB» ءجشس-نىڭ باس ديرەكتورى.
مەملەكەتتىك ورگانداردا جاڭا جۇيە ساۋاتتى تۇردە ەنگىزىلگەن جاعدايدا، ول مەريتوكراتيا جۇيەسىن ودان ءارى دامىتۋعا، مەملەكەتتىك ورگاندارداعى قىزمەت احۋالىن جاقسارتۋعا جانە بىلىكتى مامانداردىڭ كەلۋىنە ىقپال ەتەدى.
پيلوتتىق جوبا اياقتالعاننان كەيىن رەسپۋبليكا اۋماعىندا ونى ەنگىزۋ مەرزىمدەرى بويىنشا شەشىم قابىلداناتىن بولادى.
ق ر مەملەكەتتىك قىزمەت ىستەرى جانە سىبايلاس جەمقورلىققا
قارسى ءىس-قيمىل اگەنتتىگىنىڭ وڭتۇستىك قازاقستان وبلىسى بويىنشا دەپارتامەنتى7
