Qazaqstanda memlekettik satyp alý júiesinde sheteldik jeńil ónerkásip taýarlaryn satyp alýǵa eki jylǵa shekteý engizildi, dep habarlaidy Dalanews.kz.
2026 jylǵy 11 naýryzdan bastap kúshine engen qaýlyǵa sáikes, memlekettik satyp alý tenderlerine endi tek otandyq taýar óndirýshiler tizilimine engizilgen kásiporyndardyń ónimderi ǵana qatysa alady. Osylaisha, jeńil ónerkásip salasyndaǵy sheteldik taýarlardyń memlekettik satyp alý júiesine qatysýy ýaqytsha shektelip otyr.
Bul talaptan Qazaqstanda óndirilmeitin ónimder ǵana tys qalady. Iaǵni elde ázirge shyǵarylmaityn taýarlardy satyp alýǵa ruqsat beriledi.
Qazirgi ýaqytta Ónerkásip komiteti men «Atameken» ulttyq kásipkerler palatasy atalǵan shekteýge engiziletin taýarlardyń naqty tizimin ázirleýde.
Mamandardyń aitýynsha, bul sheshim otandyq jeńil ónerkásip kásiporyndaryn qoldaýǵa jáne ishki óndiristi damytýǵa baǵyttalǵan.
