4 maýsym – Qazaqstan Respýblıkasynyń Memlekettik rámizder kúnine oraı Qazyǵurt aýdanynda patrıottyq is-shara ótti, – dep habarlaıdy Dalanews.kz 

Óńirdegi “Jastar resýrstyq ortalyǵy” komýnaldyq memlekettik mekemesiniń uıymdastyrýymen ótken sharada aýdan jastary qasıetti Qazyǵurt taýynyń shyńyna shyǵyp, elimizdiń memlekettik Týyn tikti.

Sharanyń basty maqsaty – jastardyń boıynda Otanǵa degen súıispenshilikti arttyrý, memlekettik rámizderge degen qurmetti qalyptastyrý jáne salaýatty ómir saltyn nasıhattaý.

Aıta keteıik, Qazyǵurt taýy teńiz deńgeıinen 1768 metr bıiktikte ornalasqan, uzyndyǵy 22 shaqyrymdy, al eni 10 shaqyrymdy quraıdy. Taýdyń shyńyna kóterilý jastarǵa úlken rýhanı serpilis syılady.

Shara barysynda jastar memlekettik rámizder týraly baıandama tyńdap, elimizdiń tarıhy men táýelsizdik jolyndaǵy jetistikterin eske aldy.

İs-shara sońynda qatysýshylar Ánurandy birge oryndap, fotosessıa uıymdastyryldy.