Memlekettik keńesshi Erlan Qarin ál-Farabi atyndaǵy Qazaq ulttyq ýniversitetiniń qurylǵanyna 90 jyl tolýyna orai ótken saltanatty jiynǵa qatysty, – dep habarlaidy Dalanews.kz.
Is-sharaǵa irgeli bilim ordasynyń professorlyq-oqytýshylyq quramy, stýdentteri, túlekteri jáne ýniversitetpen seriktestik ornatqan sheteldiń joǵary oqý oryndarynyń ókilderi qatysty.
Erlan Qarin jiynda Qazaqstan Prezidenti Qasym-Jomart Toqaevtyń quttyqtaý hatyn oqyp berdi. Hatta Memleket basshysy ýniversitettiń mereili belesi ulttyq ǵylym jáne tutas bilim berý júiesi úshin aitýly oqiǵa ekenin atap ótken. QazUÝ – elimizdegi alǵashqy ýniversitetterdiń biri. Qazirgi tańda bilim ordasy halyqaralyq reitingterge sáikes Ortalyq Aziia elderiniń joǵary oqý oryndary arasynda kósh bastap tur, al onyń túlekteri elimizdiń órkendeýine eleýli úles qosyp keledi.
Sonymen qatar Memlekettik keńesshi ýniversitet ujymyn, stýdentterin jáne túlekterin mereitoimen quttyqtady. Ol ál-Farabi atyndaǵy Qazaq ulttyq ýniversitetiniń airyqsha rólin atap ótip, oqý orny Almatynyń jáne otandyq bilim berý salasynyń belgili brendteriniń birine ainalǵanyn jetkizdi.
Bilim ordasynyń rektory Janseiit Túimebaev óz kezeginde oqý ornynyń ǵylymi-zertteý baǵytyndaǵy, innovatsiia salasyndaǵy jetistikteri, stýdentter qalashyǵynyń damýy, ýniversitettiń aldaǵy jospary týraly baiandady.
Saltanatty is-sharada ýniversitet qyzmetkerleri memlekettik nagradalarmen marapattaldy. Jas ǵalymdarǵa páter kilti tabystaldy. Sondai-aq bilim ordasynyń tarihy men jetistikteri týraly derekti film kórsetildi. Jiyn shyǵarmashylyq ujymdary, qazaq estradasy men operasynyń áigili oryndaýshylarynyń qatysýymen ótken merekelik kontsertke ulasty.
