Aqordada Memlekettik keńesshi Erlan Qarinniń tóraǵalyǵymen balalardyń qaýipsizdigin qamtamasyz etý, kámeletke tolmaǵandarǵa qatysty quqyqbuzýshylyqtardyń aldyn alý máselelerine arnalǵan jiyn ótti, - dep habarlaidy Dalanews.kz.
Basqosýǵa Oqý-aǵartý ministri, sondai-aq Ǵylym jáne joǵary bilim, Densaýlyq saqtaý, Tsifrlyq damý, innovatsiialar jáne aeroǵarysh ónerkásibi, Ishki ister ministrlikteriniń, Bas prokýratýranyń, Prezident Ákimshiligi qurylymdyq bólimsheleriniń ókilderi, Bala quqyqtary jónindegi ýákil qatysty.
Memlekettik keńesshi qazirgi tańda balalardy qorǵaý úshin memleket tarapynan birqatar pármendi shara qabyldanyp jatqanyna nazar aýdardy. Atap aitqanda, mektep psihologtarynyń, áleýmettik pedagogterdiń jáne psihologiialyq qoldaý ortalyqtarynyń kadrlyq quramy kúsheitildi. «111» qyzmetiniń QR-kody ázirlenip, barlyq oqý oryndaryna ornalastyrylýda. «Kiberqadaǵalaý» júiesi arqyly internettegi ziiandy kontent joiylyp jatyr.
Erlan Qarin byltyr memleket birneshe jedel ári strategiialyq sharalar qabyldaǵanyn, sonyń nátijesinde balalar arasynda ózine-ózi qol jumsaý oqiǵalary aitarlyqtai azaiǵanyn atap ótti.
Memlekettik keńesshi osy baǵyttaǵy jumystardy jalǵastyryp, balalardyń qaýipsizdigin qamtamasyz etetin tiisti sharalar qabyldaýdy úilestirý jóninde tapsyrma berdi.
