«AS MARKET» jeke seriktestiginiń bul naýbaihanasy men konditerlik tsehynda nan men desert úshin kezekke turatyn adam aiaǵy úzilmeidi.
Iesi Sýleimanov Rasýl kásiporyndy 2005 jyldyń maýsym aiynda ashqan.
Sońǵy ýaqytta salaýatty ómir saltyna kóshken jurt qarasy kóp ekenin baiqaǵan kásipker ónimder assortimentine jarylmaǵan dánnen pisirilgen, kebek, zyǵyr, kúnjit jáne basqa da paidaly dánder qosylǵan nan pisirýdi de jolǵa qoidy.
On jyldan beri san alýan nan túrin pisirip kele jatqan tsehta álemdik óndirýshilerdiń jabdyǵy ornatylǵan.
Sapa qaýipsizdigi standarttary engizilgen, Halal sertifikatyna ie. Frantsiiadan ákelingen, erekshe teflon qabatty qalyptar paidalanylady.
Kásiporynǵa qural-jabdyq satyp alarda Rasýl Telmanuly keńes alý úshin «Qoldaý» kásipkerlik ortalyǵyna habarlasyp, «Damý-Aimaqtar III» baǵdarlamasy aiasynda 13,5%-ben nesie aldy, onyń 7,5%-yn «Damý» qory sýbsidiialaidy.
«Jobalarymyzdy júzege asyrýǵa memleket tarapynan kórsetiletin mundai kómek otandyq taýar óndirisi men qyzmet kórsetý salasyn damytyp, qazaqstandyqtardy sapaly ári qoljetimdi ónimdermen qamtamasyz etýge múmkindik beredi. Kásipker qural-jabdyqtaryn jańartý arqyly damyp, ónim túrlerin de kóbeite alady. Jańa jumys oryndary ashylyp, biýdjetke túsetin salyq artady», - deidi Rasýl Sýleimanov.
